As adiviñas forman parte da nosa tradición oral e durante xeracións empregáronse como xogo, exercicio de enxeño e ferramenta para aprender vocabulario. Moitas delas describen animais a través de metáforas, comparacións ou pistas sobre o seu aspecto e comportamento.
Un dos libros que recolle este patrimonio é ¿Que cousa é cousa…? Libro de adiviñas, de Paco Martín, que recompila numerosas adiviñas populares transmitidas oralmente en Galicia.
A continuación, grazas a As chaves da lingua, tes algunhas adiviñas tradicionais sobre animais. Se queres saber as solucións só tes que mirar aquí.
Adiviñas de animais en galego
Adiviña 1
Alto, alteiro,
grande cabaleiro;
gorro de la,
capa dourada
espora de aceiro.
Adiviña 2
Que cousa, cousiña é
que anda e anda
e non se aparta da casa.
Adiviña 3
Que é unha cousa
que anda e anda
e, ao fin, dá co dono?
Adiviña 4
Canta que canta
o negro cantor;
e o seu canto é causa
de entrar na prisión.
Adiviña 5
Catro pernas,
catro fontes,
un dálle-dálle
e dous reviramontes.
Adiviña 6
Catro na cama,
catro na lama,
dous parafusos
e un que lle abana.
Adiviña 7
Dúas fontes,
catro corremontes,
dous mirapratrás;
por debaixo ten un capelo
e por tras un cotomelo,
por debaixo é pelada
e por derriba ten pelo.
Adiviña 8
Cen damas mouras
van polo camiño,
nin erguen po
nin fan bulicio
ata deixar a carga de trigo.
Adiviña 9
Co rabo entre as pernas
a mala veciña
vén todas as noites
roubar a galiña.
Adiviña 10
Come, come, comellón,
que para o San Martiño… plon!
Adiviña 11
Unha cousa que come millo e, por onde vai, deixa rastriño.
Adiviña 12
Que cousa para adiviñar é
que antes de selo, xa o é?
Ningún comentario:
Publicar un comentario