Queres coñecer o fondo da Biblioteca Nacional de España? Podes visitar BNE Digital, accedendo a miles de obras dixitais de todas as épocas e tipos e descubrindo cada un dos segredos que a BNE garda no seu interior se entras neste enlace.
Amosando publicacións coa etiqueta Libros. Amosar todas as publicacións
Amosando publicacións coa etiqueta Libros. Amosar todas as publicacións
26/05/26
Visita BNE Digital
Queres coñecer o fondo da Biblioteca Nacional de España? Podes visitar BNE Digital, accedendo a miles de obras dixitais de todas as épocas e tipos e descubrindo cada un dos segredos que a BNE garda no seu interior se entras neste enlace.
06/05/26
Bookcrossing
A Semana do Libro púxose en marcha un punto de bookcrossing no noso instituto. Esta iniciativa da biblioteca non é nada orixinal, senón que nos facemos eco dun movemento internacional que pretende convertir todo o mundo nunha biblioteca mediante a liberación de libros en lugares accesibles ao público de tal forma que a xente poida collelos prestados ou quedarse con eles, tendo a opción tamén de depositar aqueles que xa temos lidos e non temos maior interese en ocupar sitio nas nosas bibliotecas (a ver quen non ten o problema na casa de querer ter máis libros e non saber xa onde metelos).
 |
| (punto de intercambio do IES Río Miño) |
No noso caso, aínda que é unha iniciativa da biblioteca, decidiuse que o punto estea na entrada do instituto para que sexa un lugar que non haxa que buscar a propósito e que estea ben á vista de toda comunidade educativa, incluídas as familias do alumnado cando veñen ata o centro.
Unha vez presentado, só nos queda animarvos a participar traendo libros e movendo os que xa están, a ver se temos un pouquiño de sorte e se nos queda a mesa pequena con falta de dispoñer de máis espazo.
24/04/26
Libros singulares
Un ano máis, xa temos aquí a nosa xa case tradicional exposición de libros singulares, curiosos, bonitos, e toda a panoplia de adxectivos que queirades utilizar para describir os exemplares que nos cederon por uns días varios membros da nosa comunidade educativa.
Aquí deixamos unhas pouquiñas imaxes para que vos fagades unha idea do que podemos ver estes días na nosa biblioteca. E como non pode ser doutra forma, agradecerlles o detalle a tódalas persoas que colaboraron nesta iniciativa da biblioteca.
 |
| (visita dos nosos alumnos) |
 |
| (vista xeral) |
 |
 |
| (carteis de cine) |
 |
| (A Divina Comedia) |
 |
 |
| (E, por suposto, Un Quixote en formato grandísimo) |
08/03/26
8M na nosa biblioteca
Con motivo da conmemoración do Día Internacional da Muller, o noso equipo preparou esta exposición na entrada do centro cunha escolma dos nosos fondos relacionados con este día.
Aquí tedes a selección cun pouco máis de detalle:
Aínda que, se queredes máis detalle, o mellor é que vos pasedes pola biblioteca e vos fagades con algunha destas obras para profundizar. Como exemplos, os seguintes:
- "Flor del desierto" (1998), de Waris Dirie. Historia autobiográfica dunha modelo e activista somalí, vítima da mutilación xenital forzada e que escapou con trece anos da súa familia e o seu país para evitar un matrimonio concertado.
- "Hipatia. La verdad en las Matemáticas" (2017), de Jordi Bayarri e Dani Seijas. Unha breve novela gráfica que conta a historia dunha das mulleres matemáticas máis antigas coñecida, a súa época e a súa morte a mans de fanáticos relixiosos.
10/11/25
Ler non é caro!! (polo menos en internet)
Así que xa sabes: acabáronseche as escusas. Se sabes onde buscar, atoparás en internet moitos sitios que ofrecen lecturas gratis ben en liña ou ben para descargares. Aquí van algúns deses sitios:
Biblioteca de máis de 70.000 libros electrónicos gratuitos. Podes escoller entre os formatos ePub e Kindle, e entre descargalos ou lelos en liña.
2. Booknet
A máis grande plataforma literaria e biblioteca de libros en español, con máis de 40.000 libros recomendados para ler gratis en liña e descargar.
3. ePubLibre
Máis de 34.000 libros en ePub, PDF e MOBI. Actualizacións e novas incorporacións semanais.
Google dispón dunha una sección específica para a descarga de libros electrónicos na que se pode atopar case calquera título. e en case todos os idiomas. Por algo é considerada a maior biblioteca dixital existente actualmente.
5. Elejandria
Portal web para descarga legal de libros gratis en formatos PDF, EPUB e MOBI.
6. Galegobooks
Blog sen ánimo de lucro que pretende ser un espazo onde publicar, compartir e conversar sobre un grande número de libros electrónicos que circulan pola rede sobre o galego (lingua, gramática, fonética, sociolingüística, manuais, terminoloxía…)
7. epupgalego
É unha iciativa que trata de recoller nun único sitio web os libros electrónicos en formato ePUB escritos en galego.
8. En portugués podes entrar nos sitios da Biblioteca Digital Nacional de Portugal, e na Rede de Bibliotecas Camões.
Dos creadores da Wikipedia, e con obxectivos semellantes, esta vez dirixidos á distribución gratuita de libros e traducións en diferentes idiomas.
23/04/24
Día do Libro: Exposición
Con motivo do Día do Libro, a Biblioteca organizou unha exposición de libros curiosos, raros, fermosos ou, en calquera caso, especiais. Procedentes das súas bibliotecas particulares, os profesores e profesoras do Instituto celebraron este Día compartindo co resto da comunidade educativa algúns dos seus libros máis queridos.
09/01/23
26/05/22
03/05/22
02/02/22
19/02/21
27/01/21
26/01/21
«Memorias dun neno labrego», 60 anos dun «best seller», por Malores Vilavedra
«Eu son Balbino. Un rapaz da aldea. Coma quen di, un ninguén. E ademais, pobre», este quizais sexa un dos comezos máis icónicos da literatura galega, do noso primeiro best seller, que coñece traducións a case vinte idiomas. Memorias dun neno labrego, de Xosé Neira Vilas, cumpriu 60 anos este xaneiro e, aínda que o noso rural dista moito daquel, segue a zumegar a historia do que fomos.
O escritor propúxose contar a vida dun rapaz de aldea nos anos corenta en Galicia. Podería ser a súa, pero non é unha novela autobiográfica, pois non protagonizou as historias de Balbino, pero si son propias a paisaxe, a carestía, as escasas posibilidades de estudo, as tradicións, o traballo arreo no campo, o retrato social... A novela escríbea unha década despois de chegar a Buenos Aires. Como tantos emigrantes, buscou alén mar un futuro mellor e para iso tivo que traballar vendendo teas ou como panadeiro. Nos últimos anos encargábase da contabilidade dunha casa importadora de madeiras e polas tardes apuraba os trámites para ter tempo de sentar nunha cafetería da rúa Cullén e escribir mentres arrefriaba un café que moitas veces nin probaba. O camareiro ourensán non perdía a oportunidade de outear mentres servía a Pepe e este, vendo a súa curiosidade, cando rematou a novela deulla a ler, incluso antes que á súa muller, Anisia. Despois leu aquelas follas soltas Dieste, quen sucumbiu ante a lograda psicoloxía do protagonista, e este pasoulla a Seoane que lle propuxo publicala en Citania, a editorial que fundara en Arxentina.
NOVO ÉXITO NO 2020
Para entón, Neira Vilas xa era un galeguista comprometido na quinta provincia e creara a librería Follas Novas coa intención de distribuír os libros galegos. Non só os vendían, senón que os expuñan en oito vitrinas das asociacións galegas para que estivesen visibles á colectividade en diferentes puntos da cidade e cada oito días mudaban os expositores. Amais da venda de libros, Follas Novas tamén publicaba algúns títulos e, sen dúbida, Memorias dun neno labrego foi o de máis éxito. O escritor non aceptara a invitación de Seoane de publicalo no seu selo, mais si a ilustración para a cuberta.
A historia de Balbino axiña alcanzou notoriedade entre a colectividade emigrante, non en van era a memoria de moitos dos galegos que cruzaran o Atlántico. Tamén chegou a Galicia, onde se distribuíu a través da Editorial Galaxia ata que se publicou en Ediciós do Castro. A día de hoxe converteuse nun clásico das nosas letras, mais tamén nun libro popular querido por milleiros de persoas.
Era o 5 de xaneiro de 1961, Memorias dun neno labrego chegaba como un agasallo temperán de Reis, así o recibimos dende entón, como unha alfaia dun tempo ido, como unha memoria sentimental de moitas xeracións de galegos. Trinta e cinco edicións despois, a novela de Neira Vilas segue a ser o poderoso relato dunha época, non exento de crítica social e dignidade, que mantén o sabor dunha lingua rica, que o escritor lonxe de esquecer na emigración ampliou, como sempre recordaba.
No 2020 foi un dos dez libros máis vendidos da Editorial Galaxia. Xa non podemos escoitar a Pepe contarnos con agarimo as súas vivencias, pero seguimos a prender na súa prosa e ese será sempre o seu éxito, ser un escritor do pobo.
Artigo completo en La Voz de Galicia, aquí
15/01/21
17/11/20
16/10/20
06/10/20
Subscribirse a:
Publicacións (Atom)