19/11/26

Un castelanismo moi común


 En galego hai moitos verbos que, por influencia do castelán, se empregan incorrectamente coa forma pronominal, é dicir, engadímoslles un pronome reflexivo (me, te, se…) que non lles corresponde. 

Son erros tan frecuentes que a miúdo pasan desapercibidos, mais convén coñecelos con axuda de As Chaves da lingua para falar e escribir cun galego máis coidado.

En que consiste o erro?

Un verbo reflexivo é aquel en que a acción recae sobre quen a fai (chamarse, coñecerse). O problema xorde cando lle engadimos ese pronome a verbos que non o precisan, simplemente porque en castelán se usa.

Así, en galego é incorrecto dicir:

*Xoán rompeuse unha perna.

E o correcto é:

Xoán rompeu unha perna.

Verbos que non admiten forma pronominal

Estes son algúns dos verbos que en galego non se usan con pronome reflexivo:

abrandar, adormecer, afrouxar, almorzar, apurar, atrasar, baixar, caer, calar, cargar, casar, cicatrizar, coller, comer, curar, deixar, demorar, desfondar, desinchar, dislocar, empachar, enfermar, escapar, escordar, esperar, espertar, estreitar, fracturar, inchar, incrementar, marchar, merendar, morrer, parar, podrecer, quedar, rachar, rebentar, recordar, rir, romper, sentar, sorrir, terminar, tropezar, xogar…

Exemplos de uso

Fíxate en como cambia cada frase:

INCORRECTOCORRECTO
*O meu avó enfermouse o inverno pasado.O meu avó enfermou o inverno pasado.
*Cando se riu, espertouse o bebé.Cando riu, espertou o bebé.
*Quedouse na casa toda a fin de semana.Quedou na casa toda a fin de semana.
*Baixeime da escada e escordeime o xeonllo.Baixei da escada e escordei o xeonllo.

Ningún comentario:

Compromisos

Sempre que for posible, neste blog informaremos da autoría de textos, fotos e demais material audiovisual, que en todo caso é empregado con finalidade educativa e sen lucro. Se houber algo suxeito a dereitos de autor ou outras restricións, por favor, facédenolo saber para retirármolo o antes posible.
Por outro lado, os autores do blog non son responsables dos comentarios que os lectores poidan enviar. Todos aqueles comentarios obscenos, ofensivos contra persoas, crenzas ou ideas, ou contrarios á Lei serán eliminados en canto teñamos coñecemento deles.
Avísanos para axudarnos a cumprir estes compromisos.