ESTRELA, BRILLA COMO TI SABES.

1º premio no CONCURSO LITERARIO DE RELATO CURTO LETRAS GALEGAS 2017. Categoría 4º ESO e BAC

Sempre nos din que obsesionarse non é bon, convéncennos de que é o esforzo o que nos axudará a obter algo e que a obsesión é quizais un dano colateral daquel que non se ve capaz de alcanzar os seus obxectivos e dá máis de si do que debería, ben, pois escoita o que che din porque as persoas que te queren saben o que che convén.

Esta é a historia de Estrela, a quen o mundo lle reparaba grandes aventuras ata que…

Estrela é bailarina na Academia de Ballet Bolshoi, en Rusia, berce do ballet. Dende pequeniña soñara con vivir sobre os escenarios de grandes e prestixiosos auditorios. Comezou en Lugo, unha pequena cidade situada en Galicia, ascendeu nos seus cursos do conservatorio coma quen sobe unha escaleira, realizou campamentos de verán na Royal Ballet School e, cando cumpriu os dezaoito, continuou dedicándose á danza. Un ano despois, fixo unha audición para ingresar na Bolshoi e foi admitida. Despois de moito esforzo e dedicación fixo unha xira por todo o mundo, Moscú, Varsovia, Berlín, París, Londres, Nova York…

Estrela non sabía que nesa xira estaba a comezar o que o futuro lle reparaba.

Ocorreu en Bangkok, última cidade da xira. Ía pola rúa e, de súpeto, unha explosión sorprendeu a todos as persoas que había nun quilómetro á redonda. Foron rescatados no menor tempo posible pero, horas antes, serían as últimas nas que Estrela puidera bailar coas súas propias pernas. Operárona de urxencia, a súa perna dereita sufriu a peor parte e tiveron que implantarlle unha prótese.

Foi o peor día que vivira na súa vida pero non sabía nada pois sería o comezo de algo moi grande.

A compañía non a quixo máis e tivo que buscar axuda profesional na súa cidade natal para superar a súa traxedia. Ela cría que a súa vida sen a danza non tiña sentido e pensou que Moscú lle axudaría a refuxiarse no baile doutra xente. Unha vez alí, montou unha academia de danza. Osanna era a súa mellor alumna, poñía paixón no que facía e a súa técnica era marabillosa, recordáballe a ela cando tiña a súa idade.

Osanna quería ser bailarina e precisaba da axuda de Estrela, pasaban noites e noites ensaiando e perfeccionando o seu baile, tiña moita enerxía e contaxiaba o seu entusiasmo a todos os que se atopasen arredor. Pouco a pouco, Osanna era a que axudaba a Estrela na súa recuperación.

A pesar de ter unha perna postiza o seu soño era a danza e iso non cambiaría nunca. As dúas medraban xuntas, Osanna comezaba a bailar en auditorios coas coreografías que Estrela preparaba.

As cámaras de vixiancia gravaron unha noite a Estrela, na axencia de seguridade non daban crédito ao que vían. Era unha muller cunha perna de mentira realizando uns movementos perfectos, sen fallos, absorbíate no seu baile como un neno cando bebe o seu zume e quere aproveitalo ao máximo.

Os vídeos difundíronse sen Estrela saber nada e semanas máis tarde, unha compañía de danza queríaa na súa xira. Aceptou coa condición de que Osanna fose a súa acompañante. Tras moito esforzo, ambas as dúas conseguiron o seu soño por primeira e segunda vez.

As entradas agotábanse moi pronto e as galas eran un éxito.

Se Estrela e Osanna estiveran aquí diríanche: “Vas deixar que unha pedra no camiño estropee o resto do traxecto?”

FIN

MARÍA TRASHORRAS CENDÁN 4º A