#QueroCantar volve apostar polo talento musical da mocidade! Se tes menos de 16 anos e creas música en galego, esta é a túa oportunidade! Presenta a túa maqueta ata o 14 de marzo.
Gala de finalistas: 6 de abril. Teatro Colón (@TColonCoruna).
En 1916 xorden as Irmandades da Fala ás que se suma, un proxecto político que cambia a historia contemporánea de Galiza. Na foto, asistentes á IV Asemblea das Irmandades da Fala en Monforte de Lemos, en febreiro de 1922. Distínguense, entre outros, Otero Pedrayo, Vilar Ponte e Castelao.
Poden participar estudantes de secundaria de calquera lugar do mundo. O prazo para presentar os traballos remata o 30 de xaneiro, data do nacemento do escritor rianxeiro. Deben remitirse en formato dixital a: edlg@iessanclemente.net
A iniciativa enmárcase dentro do proxecto Escollemos galego que está a desenvolver o EDLG deste centro compostelán durante o curso 2024-2025.
Máis información, aquí
Chegou ata aquí o primeiro trimestre e é tempo de nos irmos de vacacións.
Achéganse os días do Nadal e non queremos marchar sen desexarvos a todos e todas unhas felices festas coa mellor compañía: un bo libro!
76 anos da Declaração Universal de Direitos Humanos.
.jpg)
En aschavesdalingua.gal están empeñados en que melloremos a nosa lingua, eliminando dela algúns dos castelanismos máis frecuentes.
Eliminar os castelanismos da nosa fala é un paso importante para dignificar o galego e preservar a súa autenticidade. Aínda que ás veces non nos decatemos, moitas palabras e expresións do castelán infiltráronse no noso vocabulario diario.
Velaquí che deixo unha selección de 20 castelanismos que usamos acotío e que é importante substituír polas formas correctas en galego.
Un dos exemplos máis habituais é o verbo *aportar, que, aínda que parece natural de tanto escoitalo, non é galego. O verbo achegar é a opción axeitada para expresar que alguén contribúe con algo. Ex.: Tareixa achega boas ideas.
Outro castelanismo común é *buzón, cando en realidade en galego dicimos caixa do correo.
Tamén está *casilla, que aparece moito nos formularios e en contextos administrativos, cuxa forma correcta é casa. Ex.: Marca a casa adecuada.
Se che gusta mascar *chicle, debes saber que en galego é goma de mascar.
Cando queremos expresar que unha acción implica consecuencias, ás veces, empregamos o verbo *conlevar, que é un calco do castelán. En galego, é mellor usar implicar ou supor. Ex.: Este proxecto implica moito esforzo.
Non é raro escoitar *cumpreanos, pero esa palabra é unha mala tradución do castelán. En galego, dicimos aniversario.
Seguro que algunha vez dixeches algo así como “*Enterácheste do que pasou?”. Pois en galego non existen os verbos *enterarse e moito menos *enteirarse. O correcto é decatarse. Ex.: Xa me decatei de que hoxe non hai clase.
Outro erro común é dicir *espalda cando deberiamos dicir lombo ou costas. Por exemplo, se estás falando dunha dor física, cómpre dicires Dóeme o lombo ou Dóenme as costas.
Outro exemplo que se nos escapa son *gafas, que en galego é lentes ou anteollos.
E que dicir de *grifo? En lugar de *Abre o grifo da auga, o correcto é dicir Abre a billa da auga.
Unha palabra que tamén se meteu na nosa fala é *lexos, que en galego debe ser lonxe.
Tampouco debemos esquecer *orquesta, que é incorrecto en galego. A forma correcta é orquestra. Ex.: Non sabería dicir se a Panorama é a mellor orquestra de todas.
Algo semellante ocorre con *pegatina, que en galego é adhesivo.
En canto a *plantexar, a forma axeitada é expor. Se tes unha idea, non a *plantexes, senón expona.
Outro termo incorrecto é *plantilla. Se falamos dun grupo de persoas, como os xogadores dun equipo, debemos usar cadro. Ex.: O cadro de xogadores é moi bo.
Se te refires a algo que se usa dentro dos zapatos, a palabra correcta é soleta. E se queres nomear a peza que serve de referencia para elaborar outras iguais, en galego dicimos modelo.
Moitos de nós tamén usamos pobo incorrectamente para referirnos a unha vila ou aldea. En galego, deberíamos dicir vila ou aldea (dependendo do tamaño).
A confusión tamén chega con *soer, unha forma incorrecta derivada do castelán soler. En galego, o verbo correcto é adoitar ou acostumar.
Un dos erros máis estendidos é *sen embargo, cando o correcto é porén ou con todo.
Cando queremos falar de onde se sitúa algo, non debemos dicir *ubicar, senón situar ou localizar. Por iso, desde Google Maps non podemos mandar a nosa *ubicación, mais si a nosa localización ou situación.
Por último, mais non menos grave, está *xove, que en galego debe ser novo/a. Se falas dunha persoa nova, non digas *A miña irmá é moi xove, senón A miña irmá é moi nova.
O xoves 28.11.2024 tivo lugar o Obradoiro de Ciencia na Biblioteca do noso Centro, nel puidemos experimentar e dar resposta a moitas cuestións da nosa vida cotiá e curiosidades dos obxectos que nos rodean:
.jfif)
