Se tes interese en participar, podes entrar desde aquí.
Estamos conmocionados pola noticia do falecemento onte de Darío Xohán Cabana, poeta e narrador galego imprescindible, que acudiu á nosa Biblioteca en febreiro de 2014 para un encontro co alumnado de Bacharelato, que lle fixo preguntas sobre o seu Galván en Saor, lectura obrigatoria aquel curso e outros posteriores.
Sempre é triste cando morre un escritor ou escritora, pero se se trata de alguén bo e xeneroso, honesto e comprometido coa súa terra, como Darío o foi, a tristeza é case insuperable.
Que a terra lle sexa leve.
A autora uruguaia, exiliada desde 1972 en Barcelona, acaba de ser premiada co Cervantes, máximo galardón das letras en español. Ata o momento, só cinco escritoras foran premiadas con el; a última, IdaVitale, que en 2018 se uniu ás españolas María Zambrano (1988) e Ana María Matute (2010), a cubana Dulce María Loynaz (1992) e a mexicana Elena Poniatowska (2013).
Peri Rossi, novelista, poeta, creadora de relatos, feminista convencida, e autora de obras como Las musas inquietantes, El libro de mis primos, Los amores equivocados, Todo lo que no te pude decir ou, máis recentemente, La insumisa.
Estase a celebrar na cidade escocesa de Glasgow o Cumio do Clima, de enorme importancia para o futuro inmediato, xa que das decisións e compromisos que se adopten depende o futuro do noso planeta.
Se queres máis información, podes entrar nos seguintes enlaces:
Para celebrar o Día das Bibliotecas asomámonos a cinco bibliotecas fermosas e moi diferentes:
 |
| Biblioteca da Real Academia Nacional de Medicina (Madrid) |
 |
| Biblioteca Nacional da República Checa en Praga |
 |
| Biblioteca Pública de Vennesla (Noruega) |
 |
| Biblioteca do Mosteiro de Admont (Austria) |
Desde a Asociación Recreativa e Cultural Os Tilos chégannos as bases da 18ª edición do Concurso de Poesía ANOMAR.
Poderán participar nesta convocatoria:
- rapaces e rapazas entre os 8 e os 12 anos (1ª categoría).
- mozas e mozos entre os 13 e os 17 anos (2ª categoría), e
- a partir de 18 anos (3ª categoría).
Os poemas pódense achegar en man, por correo ordinario ou empregando o correo electrónico (ver as bases aquí).
O prazo para participar remata o 10 de novembro de 2021.
