30/04/24
26/04/24
25/04/24
24/04/24
Charla de Lois Pérez
Onte visitounos o escritor Lois Pérez para expoñer o seu punto de vista sobre a literatura e responder as cuestións do alumnado de 3º de ESO, que este curso tivo A gruta da torre como lectura obrigatoria. A charla foi na Aula de Novos Medios e estivo organizada polo Departamento de Lingua Galega e Literatura e o ENDL do Centro.
23/04/24
Día do Libro: Exposición
Con motivo do Día do Libro, a Biblioteca organizou unha exposición de libros curiosos, raros, fermosos ou, en calquera caso, especiais. Procedentes das súas bibliotecas particulares, os profesores e profesoras do Instituto celebraron este Día compartindo co resto da comunidade educativa algúns dos seus libros máis queridos.
Día do Libro
O 23 de abril é a data máis significativa para o universo da literatura e a industria dos libros. Aínda que en España e noutros países xa se celebraba nesta data o Día do Libro, foi en 1995 cando a Conferencia Xeral da UNESCO estableceu esta xornada como o Día Mundial do Libro e dos Dereitos de Autor.
Esta data simbólica da literatura universal coincide coa data da morte en 1616 dos escritores William Shakespeare, Miguel de Cervantes e Inca Garcilaso de la Vega, e pretende homenaxear os libros e os autores e autoras, así como fomentar o acceso á lectura ao maior número de persoas.
Ademais, neste día a UNESCO e as organizacións internacionais que representan os tres principais sectores da industria do libro −editores, libreiros e bibliotecas− seleccionan unna cidade como Capital Mundial do Libro para mantener el impulso das celebracións deste día deica o 23 de abril do año seguinte. Este 2024 a cidade elixida foi Estrasburgo.
22/04/24
Bases e certames
Chégannos noticias de concursos variados, que aquí deixamos por se son do voso interese:
- O XIII proxecto didáctico Antonio Fraguas Fraguas, convocado pola fundación do mesmo nome e a SXPL para fomentar o coñecemento do patrimonio etnográfico, antropolóxico, lingüístico, xeográfico, histórico e artístico da contorna dos centros educativos. Poderán concorrer aqueles de educación primaria, secundaria, bacharelato, formación profesional ou educación especial nas modalidades de primaria ou secundaria. O prazo de presentación de propostas remata o 1 de xuño. Podedes consultar toda a información no Portal da lingua galega: https://www.lingua.gal/a-secretaria-xeral/convocatorias/_/Premios/convocatoria_0189/xiii-edicion-proxecto-didactico-antonio-fraguas-fraguas .
- O XII Certame de Microrrelatos Feiraco 2024, promovido por esta empresa láctea en colaboración coa SXPL, no que se establecen dúas categorías: xuvenil (a partir de 12 anos) e adulta (de 18 anos en diante). Os relatos, que deberán comezar coa frase “Púxenme a escoitar” e non superarán as 500 palabras, poderanse subir á páxina web: https://leiteratura.feiraco.es/ ata o 18 de maio. As bases están aquí: https://www.lingua.gal/a-secretaria-xeral/convocatorias/_/Premios/convocatoria_0191/xii-certame-microrrelatos-feiraco-letras-galegas-2024-edicion-leiteratura .
- O XV Certame de Cinema Ouff Escola, organizado polo Concello de Ourense co apoio da SXPL, para potenciar a creatividade audiovisual en galego. Poderanse presentar todos os centros públicos, concertados e privados, tanto de Galicia como do exterior, que impartan algunha materia en lingua galega. A inscrición deberá formalizarse antes do 8 de xullo. Tedes o cartel e todos os datos en: https://www.lingua.gal/a-secretaria-xeral/convocatorias/_/Premios/convocatoria_0190/certame-cinema-internacional-escolar-ouff-escola-2024 .
19/04/24
.jpg)
18/04/24
Que tal hoxe un poema de Mario Obrero?
Mario Obrero, poeta español nacido en 2003 en Madrid, autor do poemario Tiempos mágicos, ao que pertence este poema.
17/04/24
Sabías que...?
As xoaniñas son escaravellos beneficiosos, considerados gardiáns de hortas e xardíns por seren carnívoros e grandes devoradores da maioría de insectos de corpo brando, normalmente daniños para los cultivos.
Os coccinélidos (Coccinellidae), tamén coñecidos vulgarmente en galego como xoaniñas, maruxiñas, reirreis, xoaniñas, barrosiñas, papasoles, papoias, voaniñas ou voíñas (mariquitas en castelán), atópanse por todo o Planeta, con máis de 4.500 especies descritas. Xeralmente habitan en plantas onde se encontran a súas presas: outros insectos e ácaros, como pulgóns, cochinillas e larvas de escaravellos.
16/04/24
15/04/24
12/04/24
Excursión de 1ºESO a Burgos e Atapuerca
Os días 11 e 12 de abril de 2024 o alumnado de 1º de ESO participou nunha viaxe cultural á cidade de Burgos e ó xacemento arquelóxico de Atapuerca. A actividade estivo organizada polo departamento de Xeografía e Historia, e o alumnado foi acompañado por Miguel Carricoba, Olga Matalobos e Luz Penedo.
10/04/24
O Punto Laranxa
As familias desempeñan un papel fundamental para a prevención do acoso e o ciberacoso e, polo tanto, neste plan cobra unha especial relevancia a súa contribución para a prevención de conflitos e a resolución pacífica destes. De aí que se promova unha estreita colaboración entre as familias e os centros educativos habilitando liñas de comunicación coa escola para traballar de maneira conxunta
É un punto físico, ben identificado, que funciona como unha
caixa de correo a través da cal o alumnado poderá comunicar
ou denunciar, de maneira totalmente anónima,
posibles situacións de acoso ou ciberacoso que sufran eles ou elas mesmos ou que
perciban que lles sucede a outras persoas.
SE ESTÁS A SUFRIR OU COÑECES ALGÚN POSIBLE CASO DE ACOSO OU CIBERACOSO, AXÚDANOS A PARALO!
1.- Escribe de maneira anónima a túa mensaxe nun lugar onde te sintas segura/o.
2.- Localiza o Punto Laranxa no noso centro.
3.- Deposita na caixa do Punto Laranxa a túa mensaxe (esta caixa só pode ser aberta polo equipo docente encargado de loitar contra o acoso escolar).
08/04/24
Contra as velutinas
Xa é tempo para poñer trampas para as velutinas. De momento hai poucas, porque cando máis se ven é no verán, pero esas de verán son obreiras; agora cázanse máis mestras. E por cada mestra cazada hai un niño que aforramos. Aquí podemos ver un pdf que explica como facermos trampas respectuosas co medio ambiente e cos outros insectos que non son velutinas e non teñen culpa.
E desde a Asociación Galega de Apicultura explican como elaborarmos os líquidos atraentes.
As abellas e a vosa despensa, agradécenvolo de corazón.
05/04/24
03/04/24
Gaélico
Hoxe o idioma apenas é falado habitualmente por uns 100.000 falantes na illa e na diáspora, debido á política de normalización de baixa intensidade executada polo goberno.
02/04/24
01/04/24
Día dedicado a Asorey
Francisco Asorey (Cambados, 1889 - Santiago, 1961) desenvolveu a súa arte nas primeiras décadas do século XX. A súa innovadora aposta escultórica combinou o costumismo do século XIX coa conexión coas novas correntes artísticas europeas, nas que o emprego do simbolismo, o novo papel da muller ou a conexión entre nacionalismo e artes constrúen unha nova referencialidade artística. Velaí van nacer as diferentes mulleres esculpidas de Asorey: mulleres aldeás de coloridos panos, que aluden á maternidade, á devoción popular ou ao coidado do campo, de caras redondas, fazulas encarnadas e ollos azuis e que se converten en alegorías simbólicas da propia Galicia.
Se queres coñecer máis sobre Asorey e a súa arte, entra na páxina do Consello da Cultura Galega
.jpg)
Subscribirse a:
Publicacións (Atom)