Un dos actos programados polo ENDL do noso Centro para os alumnos de 4º de ESO foi a actuación do grupo A tropa de trapo. Dous actores representaron oralmente diversos contos: el, contos tradicionais de Galicia e ambientados nos comezos do século pasado, na época da emigración a América; e ela, contos da cultura árabe que o actor acompañaba tocando en diferentes momentos un laúde marroquí e unha viola portuguesa, coma a dos fados.
Na seguinte hora, o alumnado foi repartido en dúas aulas e cada un deles levou a cabo actividades interactivas co grupo: contar historias pasando de man en man un nobelo de fío foi unha delas, como mostran as fotos.
O acto foi agradable, ameno e moi entretido, e aos rapaces resultoulles atractivo e novidoso.
Ningún comentario:
Publicar un comentario