24/10/21

Feliz Día, felices libros

Para celebrar o Día das Bibliotecas asomámonos a cinco bibliotecas fermosas e moi diferentes:

Biblioteca da Real Academia Nacional de Medicina (Madrid)

Biblioteca Nacional da República Checa en Praga

Biblioteca Pública de Vennesla (Noruega)


Biblioteca do Mosteiro de Admont (Austria)

A nosa

Que teñades un bo día e unhas mellores lecturas

19/10/21

18/10/21

Cada ano, o luns máis próximo ao 15 de outubro (festividade e aniversario de Santa Teresa de Xesús ou Teresa de Cepeda), celébrase mundialmente o Día das Escritoras.

13/10/21

A erupción de La Palma

Hai semanas que a erupción da illa canaria de La Palma non deixa de sorprendernos coas correntes de lava e as violentas explosións, pero tamén con todo un vocabulario relacionado que usamos pouco. Mira o seguinte vídeo e descubrirás algunhas cousas que non te deixarán indiferente.


09/10/21

Abdulrazak Gurnah, Nobel de Literatura 2021

A Academia Sueca acordou conceder o Nobel de Literatura deste ano ao escritor tanzano Abdulrazak Gurnah, pouco coñecido en España, a quen pronto esperamos ter na nosa Biblioteca.
Segundo Anders Olsson, presidente do comité do Nobel, o premio foille outorgado por refletir a “penetración intransixente e compasiva dos efectos do colonialismo e do destino das persoas refuxiadas no abismo entre culturas e continentes”. Os romances de Gurnah –continuou o voceiro– “foxen de descricións estereotipadas e abren o noso ollar para unha África Oriental culturalmente diversa e descoñecida”.

06/10/21


Máis concursos

 Desde a Asociación Recreativa e Cultural Os Tilos chégannos as bases da 18ª edición do Concurso de Poesía ANOMAR. 

Poderán participar nesta convocatoria:

- rapaces e rapazas entre os 8 e os 12 anos (1ª categoría).

- mozas e mozos entre os 13 e os 17 anos (2ª categoría), e

- a partir de 18 anos (3ª categoría).

Os poemas pódense achegar en man, por correo ordinario ou empregando o correo electrónico (ver as bases aquí).

O prazo para participar remata o 10 de novembro de 2021.


Compromisos

Sempre que for posible, neste blog informaremos da autoría de textos, fotos e demais material audiovisual, que en todo caso é empregado con finalidade educativa e sen lucro. Se houber algo suxeito a dereitos de autor ou outras restricións, por favor, facédenolo saber para retirármolo o antes posible.
Por outro lado, os autores do blog non son responsables dos comentarios que os lectores poidan enviar. Todos aqueles comentarios obscenos, ofensivos contra persoas, crenzas ou ideas, ou contrarios á Lei serán eliminados en canto teñamos coñecemento deles.
Avísanos para axudarnos a cumprir estes compromisos.