OPS!

A Aula de Novos Medios do noso Instituto acolleu días pasados a visita de Miguel, relator de portugués, que impartiu ao alumnado de 1º ESO un obradoiro OPS! (O Português Simples) organizado polo Departamento de Lingua Galega e Literatura e o EDL e co patrocicio da Deputación de Lugo.

Este é o primeiro curso en que o IES Río Miño oferta o portugués como Segunda Lingua Estranxeira, e o alumnado participante obtivo contidos e recursos na rede e puido descubrir como ese idioma abre abre un mundo de oportunidades na economía, a cultura, o turismo e as relacións entre persoas, e como a ese mundo se pode acceder aínda máis facilmente grazas ao galego.