Biblioteca en días de pandemia

 A nosa Biblioteca, coma as aulas, segue aberta e continúa co seu labor de préstamo e apoio á lectura, pero coas limitacións de espazo e as obrigacións de hixiene e ventilación necesarias.

Os libros non se prestan inmediatamente, senón que permanecen tamén eles confinados durante varios días antes de seren novamente prestados.

As mesas e cadeiras son desinfectadas con frecuencia, e as persoas que acoden á Biblioteca han de utilizar o xel de limpeza de mans ao entraren e ao saíren.