24/11/13
Doris Lessing, In memoriam
O 17 de novembro faleceu Doris Lessing. De orixe persa, foi unha escritora valente e comprometida, defensora dos dereitos da muller e a súa igualdade co home, do respecto pola natureza, da vida digna dos habitantes de África, onde medrou; do pacifismo e outros aspectos sociais do entorno no que lle tocou vivir.
No 2007 acadou o Premio Nobel de Literatura e con tal motivo os compañeiros da biblioteca do IES Concepción Arenal de Ferrol elaboraron unha valiosa e moi detallada presentación. No seu pasamento tiveron a deferencia de compartila coas oportunas adaptacións. Nós agradecémolo e enlazámola polo seu interese.
05/11/13
Como atopar o que busco
Esta é unha guía para buscar fondos no catálogo en línea da biblioteca. Agradecemos ao IES "As Mariñas" de Betanzos este estupendo enlace que, sen dúbida, nos vai servir de boa axuda.
01/11/13
Día das bibliotecas e Samaín
Para celebrar estas datas organizamos unha exposición de libros e cine de medo que xa está na entrada do instituto.
Agradecémoslles ás alumnas de 1º de bacharelato e aos alumnos de 2º da ESO a súa colaboración para levala a cabo.