PONTE VELLA.

Medio pan y un libro

2012-02-08T12:11:00.000+01:00

O pasado 4 de febreiro celebrouse o National Libraries Day. Hai algo máis de 80 anos, García Lorca saudaba a inauguración da biblioteca pública da súa vila natal, Fuente de Vaqueros (Granada), coas seguintes palabras.

"Cuando alguien va al teatro, a un concierto o a una fiesta de cualquier índole que sea, si la fiesta es de su agrado, recuerda inmediatamente y lamenta que las personas que él quiere no se encuentren allí. ‘Lo que le gustaría esto a mi hermana, a mi padre’, piensa, y no goza ya del espectáculo sino a través de una leve melancolía. Ésta es la melancolía que yo siento, no por la gente de mi casa, que sería pequeño y ruin, sino por todas las criaturas que por falta de medios y por desgracia suya no gozan del supremo bien de la belleza que es vida y es bondad y es serenidad y es pasión.
Por eso no tengo nunca un libro, porque regalo cuantos compro, que son infinitos, y por eso estoy aquí honrado y contento de inaugurar esta biblioteca del pueblo, la primera seguramente en toda la provincia de Granada. No sólo de pan vive el hombre. Yo, si tuviera hambre y estuviera desvalido en la calle no pediría un pan; sino que pediría medio pan y un libro. Y yo ataco desde aquí violentamente a los que solamente hablan de reivindicaciones económicas sin nombrar jamás las reivindicaciones culturales que es lo que los pueblos piden a gritos. Bien está que todos los hombres coman, pero que todos los hombres sepan. Que gocen todos los frutos del espíritu humano porque lo contrario es convertirlos en máquinas al servicio de Estado, es convertirlos en esclavos de una terrible organización social.
Yo tengo mucha más lástima de un hombre que quiere saber y no puede, que de un hambriento. Porque un hambriento puede calmar su hambre fácilmente con un pedazo de pan o con unas frutas, pero un hombre que tiene ansia de saber y no tiene medios, sufre una terrible agonía porque son libros, libros, muchos libros los que necesita y ¿dónde están esos libros?
¡Libros! ¡Libros! He aquí una palabra mágica que equivale a decir: ‘amor, amor’, y que debían los pueblos pedir como piden pan o como anhelan la lluvia para sus sementeras. Cuando el insigne escritor ruso Fedor Dostoyevsky, padre de la revolución rusa mucho más que Lenin, estaba prisionero en la Siberia, alejado del mundo, entre cuatro paredes y cercado por desoladas llanuras de nieve infinita; y pedía socorro en carta a su lejana familia, sólo decía: ‘¡Enviadme libros, libros, muchos libros para que mi alma no muera!’.

Tenía frío y no pedía fuego, tenía terrible sed y no pedía agua: pedía libros, es decir, horizontes, es decir, escaleras para subir la cumbre del espíritu y del corazón. Porque la agonía física, biológica, natural, de un cuerpo por hambre, sed o frío, dura poco, muy poco, pero la agonía del alma insatisfecha dura toda la vida.
Ya ha dicho el gran Menéndez Pidal, uno de los sabios más verdaderos de Europa, que el lema de la República debe ser: ‘Cultura’. Cultura porque sólo a través de ella se pueden resolver los problemas en que hoy se debate el pueblo lleno de fe, pero falto de luz".

Lecturas pola Paz

2012-01-30T20:00:00.001+01:00

Unha aposta pola Paz é tamén unha fermosa escolma de lecturas, expresión de actitudes de rexeitamento da violencia, de demanda de situacións de inxustiza social e de fomento da concordia e do diálogo. Isto é o que nos chega pola xenerosidade do IES San Paio deTui. Grazas por esta magnífica selección.

Open publication - Free publishing

Estatísticas préstamo 1º trimestre

2012-01-20T12:46:00.028+01:00

Temos un bo motivo para aledarnos: o préstamo de fondos da biblioteca segue aumentando, nesta ocasión, un 36% en total. Iso, acompañado dun mellor saber estar do alumnmado dentro da sala, fai que poidamos felicitarnos. Agardamos, se cabe, unha mellor marca.
Estas son as cifras, comparadas co mesmo período do curso pasado:

Open publication - Free publishing - More education

Recomendacións Nadal 2011

2011-12-20T19:30:00.002+01:00

Tempo de lecer, de agasallos... de compartir; tempo para ler e disfrutar dunha boa película. Velaí unha pequena selección coa que poder disfrutar de historias que pasaron da imaxinación dun escritor ós andeis dunha librería e posteriormente á gran pantalla, con notable éxito. Son libros con película que merece a pena coñecer. Disfrutádeos!

Open publication - Free publishing - More books

El tiempo del amor, por Fabio Couto

2011-12-14T11:24:00.000+01:00

Las hojas de los árboles son el tiempo,
cada vez que cae una hoja pasa un segundo acompañando al viento,
pero tú, mi amor,
arreglarás esto con tu voz,
para mí no existen horas, minutos ni segundos,
sino lo más importante es tenerte junto a mí hasta el fin del mundo,
cuando empieza a anochecer,
tus ojos reflejan un amanecer,
al estar a mi lado,
me traes la suerte y no el pecado,
siempre estaré junto a ti,
para que tengas una sonrisa que signifique que eres feliz.

25 de Novembro

2011-11-24T20:02:00.006+01:00

A imaxe ilustra unha forma sutil de violencia, o maltrato verbal, que poucas veces conleva denuncia, aínda que produce un grave deterioro na imaxe que temos de nós mesmos.
Paul Valéry dixo: "A violencia é sempre un acto de debilidade e xeralmente practícana os que se senten perdidos". Nesta data enlazamos un traballo do alumnado de 2º de Bacharelato do Instituto de Elviña, que nos chega a través da Secretaría de Igualdade da Xunta de Galicia.

Lembranza de Marie Curie

2011-11-08T20:00:00.002+01:00

Cúmprense os cen anos da concesión do premio Nobel de Física a Marie Curie (1867 - 1934), unha das únicas dúas persoas que recibiron dous Nobel en dúas diferentes disciplinas: o de Química (en 1903, xunto ao seu marido Pierre, en recoñecemento aos seus extraordinarios servizos e achados no fenómeno da radiación descuberto por Becquerel) e o xa citado de Física (en 1911, recoñecéndolle os méritos para os avances da Química co descubrimento do radio e o polonio, polo aillamento do radio e os estudos sobre a súa natureza e compostos).

O outro dobremente premiado en dúas disciplinas diferentes foi Linus Pauling, cos premios Nobel de Química (1954) e da Paz (1952) pola súa oposición ás probas nucleares terrestres.

Houbo asimesmo outros dous laureados dúas veces con senllos Nobel, pero na mesma disciplina: John Bardeen, en Física, e Frederick Sanger, en Química.

Entre o TIC e o XIZ

2011-11-07T19:40:00.001+01:00

Os mil profesores e profesoras asistentes ao Encontro Internacional Educa Red 2011 foi esta actuación-performance dos grupos grupos Ron Lalá e Primital Bros, que reivindicaron a figura do docente 2.0 no medio da rexouba xeral dos presentes.

A Lingua sabe a Pan

2011-11-06T11:31:00.000+01:00

Lipdub do CPI Virxe da Saleta, de Cea, sobre unha versión de Sweet Home Alabama de Lynyrd Skynyrd, popularizada por Siniestro Total como Miña Terra Galega. Sobre unha idea de Álvaro Cunqueiro, naceu a letra de A Lingua Sabe a Pan. Contou coa participación de todo o alumnado do CPI e dos músicos Pedro Feijoo e Charly Lincoln que gravaron, misturaron e produciron nos estudios Muu! de Vigo.

Presentación

2011-10-31T09:04:00.000+01:00

O xoves próximo ás 8 do serán Carlos Callón, presidente da Mesa pola Normalización Lingüística, presenta en Lugo o seu libro Como defenderes os teus dereitos lingüísticos.

O acto será no Centro Social Uxío Novoneyra (rúa Quiroga Ballesteros, 1) e asistirán Antón Bao(Tenente de Alcalde de Lugo) e Carlos Vello (pola Mesa da Zona).

Conferencia de Pepe Coira

2011-10-26T19:54:00.000+02:00

Tonina Gay, desde o cineclube Valle Inclán, envíanos a seguinte reseña:

O Club Cultural Valle-Inclán programa a segunda das conferencias do ciclo “Leccións de cine”.

Pepe Coira impartirá a súa clase sobre A produción. Terá lugar este xoves, día 27 de outubro, a partir das 20,00 horas, no salón de actos do Pazo de San Marcos, Deputación Provincial.

A entrada será libre e gratuíta.

Pepe Coira

Nacido en Rábade (Lugo) en 1963. Licenciado en Xeografía e Historia –especialidade de Hª da Arte Moderna e Contemporánea- pola universidade de Santiago e diplomado en Historia e Estética da Cinematografía pola universidade de Valladolid.

Crítico cinematográfico, guionista e produtor de programas para TV. Director do CGAI nos sete primeiros anos de vida deste organismo, ocupado da promoción, difusión e recuperación do audiovisual galego, labor polo que se lle concedeu o primeiro premio “Fernando Rey” da Asociación Galega de Produtores Independentes. Trala súa dimisión como director do CGAI, dá clase na Escola de Imaxe e Son ata o 2000.

O seu nome está vencellado a títulos como Mareas vivas, Terra de Miranda, A miña sogra e mais eu, As leis de Celavella, Vida nas mareas, O mundo de Celavella, De bares.

Traballou para o grupo Fílmax na produtora Bren Entertainment, sendo xefe de Desenvolvemento da mesma e produtor executivo de Filmax TV. Neste período dedícase especialmente ao xénero documental, tanto seriado (Hai que mollarse, Botarse ao monte), coma longametraxes: Lume e fume, Historia dunha parroquia, Tolos por Xapón, O premio da rubia, Prodixiosos, Eloxio da distancia, Días de reparto, así como a longametraxe para televisión Reliquias.

Desde 2010 traballa como profesional independente.

No ámbito da docencia foi profesor asociado na Facultade de Ciencias Sociais e da Comunicación de Pontevedra entre os anos 2004 e 2007e no Máster de Produción e Xestión Audiovisual da Universidade d’A Coruña desde a súa fundación ata a actualidade.

Traduciu ao galego as Notas sobre o cinematógrafo, de Robert Bresson (1994). É autor dos libros As catro vidas dunha película (1995), Antonio Román. Director de cine (1999, cunha segunda e ampliada edición en castelán: Antonio Román, un cineasta de posguerra; premio ao mellor libro universitario español do ano 2004), Unha (brevísima) historia do cine (2001), No verán de 1940 (2004) e colaborou nas obras colectivas Historia do cine en Galicia (coord. José Luis Castro de Paz, 1997), Diccionario del cine español (coord. José Luis Borau, 1998) e Diccionario do cine en Galicia (1896-2000), do que tamén foi coordinador.

Á marxe de asuntos audiovisuais, é socio fundador da editorial TrisTram, na que se dedicou a traducir relatos e poemas de autores clásicos universais.

II Día da ciencia en galego

2011-10-10T13:58:00.001+02:00

Este ano foi declarado Ano internacional da Química pola UNESCO, polo que o día da ciencia en galego 2011 o dedicaremos á Química, á muller na ciencia e, tamén, homenaxearemos a María Curie e María Wonenburguer, unha matemática galega.

Se queres coñecer a súa vida podes consultala premendo aquí.

Únete e participa no II día da Ciencia en Galego ; na ligazón atoparás propostas máis detalladas, así como a solicitude de participación dos centros na Semana da Ciencia cun obradoiro de robótica en Lugo durante o mes de novembro.

Recortes, desilusión

2011-10-03T22:31:00.007+02:00

Baixo este epígrafe publican un post as nosas compañeiras do club de lectura Balbordo, do IES Río Cabe de Monforte. Nas súas liñas reflíctese con detalle o sentir de moitos docentes ante a falta de persoal, as mermas económicas e a mala imaxe que se tenta dar do noso colectivo. Podes lelo pinchando aquí.

Para María Dolores

2011-09-14T22:16:00.007+02:00

Este é un documento coordinado por Charo, do IES Sánchez Cantón de Pontevedra, en lembranza de María Dolores, a compañeira do IES Luís Seoane, cuxo pasamento notificamos no post anterior. Representa o sentir de toda a colectividade das bibliotecas escolares ante a súa perda irreparable.

Comezamos o curso con tristeza.

Temos que despedir á compañeira Mª Dolores Martínez Tobío, docente no IES Luis Seoane de Pontevedra e responsable da biblioteca escolar do centro. Hai só uns meses que Mª Dolores nos puxo a Salvar Libros por centros de toda Galicia. Salvar os libros que valen a pena, as linguas nas que se escriben eses libros, as bibliotecas nas que se gardan... a memoria dunha mestra que día a día traballou a favor da cultura e a educación.

Este é un documento colaborativo como tantos outros nos que Mª Dolores adoitaba participar co seu habitual entusiasmo. Desgraciadamente convocounos hoxe a súa despedida e pensamos nesta pequena homenaxe que xorde da mesma rede que ela axudou a tecer. Canto tempo e ilusión dedicados a Biblioiris, a súa bitácora vinculada á biblioteca escolar do instituto! Por iso os nosos blogs lamentan hoxe a súa ausencia. Por iso esta entrada será publicada por moitos outros centros, ademais dos que aquí figuran. Esperamos que este documento saiba representar tamén a tantas persoas que, desde a rede PLAMBE das bibliotecas escolares galegas, desexan expresar o seu pesar e as súas condolencias á familia e amigos da nosa compañeira. Son tantos os centros que a súa relación excede as dimensións deste documento.

Grazas Mª Dolores polas palabras, polas reflexións, polas propostas, polo tempo, polo que fixemos xuntos e que permitirá seguir camiñando pola ruta das bibliotecas escolares.

Cristina Novoa

Pilar Sampedro

Asesoría Bibliotecas Escolares

Imaxe das ligazóns: Rapaza lendo. Gustav Adolf Hennig

In memoriam

2011-09-13T17:44:00.005+02:00

Recibimos a mala nova do pasamento repentino de María Dolores, a compañeira responsable da biblioteca do IES Luís Seoane de Pontevedra. Foi unha das promotoras do traballo colaborativo "Salvar un libro" na primavera pasada. Boa traballadora e entusiasta da biblioteca, á que non chegamos a coñecer persoalmente senon a través dos correos que xa quedan na nosa lembranza. Na súa memoria:

Transmigración

Esta enerxía xa non vai ter fin,
non foi creada nin será destruída.
Irá ocupando diferentes vidas,
transformándose en emocións alleas
tatuadas noutros corpos paralelos,
en simultáneas procesións
sen pausa.

Nun cálido universo apaixonado
voume dosificando con usura,
ata que chegue a hora de voltar,
canso e feliz,
ó punto de partida.

Lois Pereiro, Poemas da morte sobrevivida a forza de paixón e sabotaxes.

Estatísticas curso 2010-2011

2011-06-28T21:01:00.005+02:00

Estes son os resultados do movemento de fondos rexistrado na biblioteca. Parece que estamos no camiño de ler máis e mellor: o préstamo incrementouse un 71% con relación ó curso pasado e todo apunta a que o vindeiro ano seguirá a bonanza... Iso é o que esperamos!!!

Open publication - Free publishing - More news

Lecturas para o verán

2011-06-16T16:10:00.005+02:00

Folgar na compaña dun bo libro é un pracer. Aí van as nosas suxestións para este verán. Que as disfrutedes!!

Open publication - Free publishing - More news

A Insoportable Levedade das Bibliotecas Escolares Galegas

2011-06-06T15:52:00.000+02:00

Ante a previsible retirada de formadores específicos no ámbito das bibliotecas escolares no Servizo de Formación do Profesorado, no Centro Autonómico de Formación e Innovación e nos centros de formación e recursos dependentes da Dirección Xeral de Educación, Formación Profesional e Innovación Educativa, segundo o borrador da orde que convocará concurso público de méritos para cubrir postos de persoas directoras e asesoras nestes centros queremos manifestar o seguinte:

Hai proxectos que nacen marcados pola vulnerabilidade e a razón desta circunstancia non ten nada que ver coa falta de rigor ou a pouca entrega das persoas que os poñen en marcha. Máis ben ten que ver co feito de que nacen destinados a nadar contra corrente. Con todo, esa é a principal razón da súa existencia: xorden porque responden a unha necesidade non satisfeita pero compartida por un número crecente de persoas que senten que é posible compartir e facer viable o proxecto xuntos. Así naceu o movemento que cristalizou na iniciativa que todos coñecemos como PLAMBE. De xeito que dende hai algúns anos, esa iniciativa levou o mellor da creatividade e o esforzo de moitos docentes que xenerosamente regalaron o seu tempo e a súa capacidade de formar equipos e ilusionar a outros docentes en centros e centros de toda a nosa comunidade. Xuntos aprendemos a ser rigorosos e esixentes nos nosos proxectos, a crear espazos de aprendizaxe colaborativo, de cambios de estratexia, de achegamento ás novas tecnoloxías, de racionalización na xestión da información. Que ninguén se equivoque: os responsables das bibliotecas escolares non son seres evanescentes perdidos en vanas quimeras que tentan “roubar” horas a materias “importantes” para que o alumnado esmoreza entre mundos de ficción. Nada máis lonxe da realidade. Nun centro onde hai un equipo que xestiona a biblioteca de forma eficaz nótase. Os fondos adquírense con criterio, establécense acordos para xestionar a información, créanse espazos de colaboración e docencia compartida. Non é doado porque a maquinaria educativa ten unhas inercias difíciles de combater. A pesar de todo, estes docentes fórmanse e exercen a súa dura misión en horas non retribuídas, roubadas ás súas familias, ao descanso, ao lecer. Fomos coordinados con rigor e seriedade pola Asesoría de Bibliotecas Escolares pero sempre nos faltou o marco legal axeitado. A nosa misión é dura porque queda moito por definir. Na nosa inxenuidade e boa fe esperabamos conseguir progresivamente tempos e formación para seguir mellorando na nosa función se demostrabamos que eramos rigorosos e eficaces. Os nosos méritos como colectivo son dabondo coñecidos polos nosos gobernantes e acreditados por diferentes administracións e ámbitos a nivel estatal. Os numerosos e constantes premios anuais de boas prácticas concedidos polo Ministerio de Educación y Ciencia non caeron do ceo. Durante todos estes anos a formación recibida foi fundamental para levar a cabo actuacións rigorosas e enfocadas na dirección correcta.

Sabemos das cuantiosas axudas que a Dirección Xeral de Educación, Formación Profesional e Innovación Educativa, destina a outros proxectos, dos incentivos para a elaboración de contidos dixitais por parte das empresas editoriais, entre outras iniciativas. Non sería tamén interesante fomentar a produción de materiais propios e promover desde cada centro a estandarización de procedementos que axuden a xestionar a información entre o noso alumnado sen confiar todo a eses materiais externos que proceden da industria editorial, por valiosos que poidan ser? Por que non seguir aproveitando a experiencia e valía dos equipos das bibliotecas escolares nestes cometidos?. O noso empeño sempre foi crear nos centros pequenos focos que tentan estender esas boas prácticas de innovación e excelencia. Non entendemos este novo e repentino xiro na política de formación desta Dirección Xeral. Non nos parece xusto posto que, podemos dicir honestamente que, pola nosa banda, cumprimos con fartura. Ao desmantelar as estruturas que nos sosteñen o deterioro será proporcional ao entusiasmo e o esforzo investidos: inmenso e imparable. Algúns lembramos como o noso Conselleiro lanzou un bico ao aire ao despedirse dos asistentes aos últimos encontros despois dunhas entusiastas palabras de eloxio polos éxitos logrados polas bibliotecas escolares galegas a nivel estatal. Onde quedou ese entusiamo? Que interpretación debemos facer? O noso país pode permitirse tirar pola borda todo este traballo? E nós?. En que situación quedaremos agora diante das nosas comunidades educativas se despois de tanta insistencia é a propria Consellería a que nos invisibiliza?.

Colectivo dos equipos das bibliotecas escolares integradas no PLAMBE (Plan de Mellora das Bibliotecas Escolares Galegas)

Maxia e animación á lectura

2011-04-28T19:52:00.013+02:00

O pasado mércores, 27 de abril, o primeiro ciclo da ESO disfrutou e participou nun divertido espectáculo de animación á lectura e maxia a cargo de Carlos Coira.
Carlos é natural de Rábade, mago dende neno e relacionado co mundo das artes e a literatura. É licenciado en Filoloxía Inglesa, fundador da editorial Tris-Tram, home de teatro (compañía Matapiollos), coautor, con Antón Cortizas e Jacobo Fernández, de Abrapalabra, función e libro cos que percorre toda Galicia animando ós rapaces a ler.

Entretido, espóntáneo, dinámico e interesante, soubo manter en todo momento a atención do noso alumnado. Como mostra do seu bo facer vaian estas imaxes.

Discurso de Ana María Matute, Premio Cervantes 2011

2011-04-27T19:33:00.002+02:00

Foi emotivo e fermoso o discurso pronunciado por Ana María Matute ó recibir de mans do Rei o Premio Cervantes 2011 no paraninfo da Universidade de Alcalá.
A necesidade da imaxinación para estar viva, a reivindicación do conto como xénero maior, a maxia que encerra a expresión "Había unha vez...", pinceladas da súa experiencia vital... tecen unha conferencia deliciosa que merece a pena escoitar. Inserímola a continuación.

Encontros de Bibliotecas Escolares 2011

2011-04-12T18:58:00.016+02:00

O pasado venres, 8 de abril, asistimos en Santiago ós Encontros de Bibliotecas Escolares Galegas 2011. Igual que noutras ocasións, o programa foi minuciosamente planificado por Cristina e Pilar, pode consultarse entrando como convidado no Moodle da redeBE. Foi de particular interese a conferencia sobre Prácticas de Avaliación na biblioteca escolar a cargo de Teresa Maña e Mónica Baró e as mesas sobre cine.

Sen dúbida, o mellor de todo, a clausura a cargo de D. Xosé Neira Vilas. Soubemos de primeira man como mercou libros "contra reembolso, con cartos gañados honradamente, vendendo cornello na feira", libros que seu pai lle permitiu seguir mercando "moderadamente"; o seu labor en prol da literatura, xunto con Anisia Miranda, a súa compañeira xa falecida; o respecto co que se trata ós mestres en países pouco desenvolvidos e a súa opinión sobre a nugalla dos nosos/as adolescentes.

A súa vitalidade, simpatía, entusiasmo e conciencia de galeguidade podedes comprobala na intervención que enlazamos aquí.

Video streaming by Ustream

Un trobador moderno

2011-03-22T09:45:00.003+01:00

O día 10 de Marzo, e traído pola Nosa Biblioteca en colaboración cos Departamentos de Música e Lingua Española, visitounos Crispín d'Olot, un trobador xogral do noso tempo, que soubo entreter e facer as delicias de alumnos e profesores co seu repertorio de cantares e romances tradicionais casteláns, poemas musicados do Arcipreste, Quevedo e Góngora, algúns trucos, varios xogos e moita, moita simpatía.
Eis algunhas fotos da súa actuación no noso Centro.

Movida no IES Fontem Albei

2011-03-16T15:10:00.007+01:00

O IES Fontem Albei de A Fonsagrada convídanos a entrar na súa biblioteca desta maneira tan creativa. Dinamismo e entusiasmo non lles falta. Boa envexa nos da o ben que o deberon pasar. Noraboa a Rubén e a todos os que fixeron posible esta montaxe. Grazas pola xenerosidade de compartila.

Escritoras Premio Nobel

2011-03-08T11:05:00.007+01:00

Enlazamos unha interesante páxina enviada por José Mª Lores, do IES San Paio. Mostra nunha liña do tempo as literatas galardoadas co Premio Nobel. Iníciase este percorrido coa escritora sueca Selma Lagerlöf no 1909, autora de "A marabillosa viaxe de Nils Holgersson", entre outras obras. Para saber máis sobre este asunto, pincha aquí.

Boletín de novidades

2011-01-20T12:14:00.002+01:00

Presentamos neste boletín o resumo dos fondos adquiridos este curso, ata o momento. Moitos deles xa están emprestados. Son os primeiros en saír dos andeis. Disfrutémolos!

Open publication - Free publishing - More news

Resultados préstamo 1º trimestre

2011-01-16T21:11:00.003+01:00

Xustificamos con números a melloría na actitude lectora do noso alumnado. Estes son os resultados, comparados cos do mesmo trimestre do curso pasado. Non é difícil sacar conclusións.
Alédanos contar coa vosa presencia na biblioteca. Noraboa para vos, rapaces!.

Open publication - Free publishing - More work.

Plan Anual de Lectura 2010-2011

2010-11-07T19:58:00.009+01:00

Open publication - Free publishing - More news

Este documento recolle as actuacións previstas nas diferentes áreas para favorecer o rendemento do noso alumnado en lectoescritura e investigación. Se todo sae ben, ó rematar este curso serán lectores un pouco máis competentes; é dicir, saberán entender mellor o que len, extraer a información, elaborala e expresar de forma máis axeitada o que pensan e senten.
Así o desexamos!

Variacións sobre a lectura

2010-11-05T19:00:00.014+01:00

Máis de 1100 persoas asistimos no Pazo de Congresos de Santiago ós III Encontros de Bibliotecas Escolares Galegas.

Todo o programa foi de interese, pero cabe destacar a conferencia de apertura a cargo de Teresa Colomer, responsable do equipo de investigación de GRETEL, da Universidade Autónoma de Barcelona. Co título "Unha infancia de 500 libros" propón para os rapaces un conxunto de lecturas "clásicas": o folclore, os títulos máis valorados da literatura infantil e o inicio á lectura das grandes obras patrimoniais.

Javier Celaya, socio-fundador do portal cultural Dosdoce.com e director de varios masters na Universidade de Alcalá, analizou os hábitos de acceso á información e a xestión do coñecemento a partir da aparición de internet.

Das experiencias de centros, cabe destacar polo seu interese a de Miguel Rico, do IES de Monterroso e a de Palma Aparicio, do IES Rey Pelayo de Cangas de Onís.

A organización, co esmero e o bo facer de sempre. Grazas por tanto e tan bo traballo.

Premios Alma

2010-10-15T09:30:00.004+02:00

Os escritores galegos Agustín Fernández Paz e Juan Farias figuran entre os 175 nominados aos premios de literatura infantil e xuvenil Astrid Lindgren Memorial (tamén chamados Alma), que outorga o goberno sueco desde 2002 en homenaxe a Astrid Lindgren, a escritora máis popular do país nórdico e creadora, entre outros, do personaxe de Pippi Langstrump.
O premios Alma outórganse como recoñecemento a unha vida ou carreira de creación adicada ao mundo literario infantil e xuvenil, polo que entre os candidatos pode haber ilustradores, por exemplo.
O xurado formado por escritores, críticos literarios, bibliotecarios e ilustradores dará a coñecer o nome do gañador o próximo mes de marzo, en Vimmerby, localidade natal da autora sueca; o premio, consistente en cinco millóns de coroas (medio millón de euros), será entregado posteriormente en Estocolmo.
Desde a Nosa Biblioteca, ao tempo que apoiamos a candidatura dos dous escritores galegos, tamén lles desexamos toda a sorte posible.

(Na foto, Astrid Lindgren, falecida en 2002)

Retorno

2010-10-13T20:11:00.002+02:00

Un curso máis e nós volvemos á carga...!

Ilustración: Charles Glaubitz

Baila e le connosco

2010-07-05T00:11:00.010+02:00

A través dos compañeiros de Trafegando Ronseis chéganos esta interesante invitación á lectura que fai o profesorado da Sprague Elementary School (USA). Orixinal maneira de convencer!!!

Recomendacións de lectura verán 2010

2010-06-29T16:56:00.007+02:00

Chegou por fin o esperado verán. Aí van as nosas suxestións de lectura para acompañar os longos días que nos agardan.

Que os disfrutedes!!

Open publication - Free publishing - More sun

Bágoas de loita

2010-06-22T21:04:00.004+02:00

E agora é o momento de publicar o relato que levou o segundo premio no Certame de Relatos do noso Centro; titúlase Bágoas de loita, e foi escrito por Pablo Quirós Corte, de 1º de ESO. A imaxe que ilustra o texto é un detalle da Torre da Berenguela

Era unha tarde de xullo. O sol quentaba as rúas de Santiago de Compostela, os peregrinos agrupábanse na entrada da catedral e fixeime na fachada dunha casa. Vina apoiada nunha fiestra, con eses cabelos rubios, da cor do ouro. Estaba lendo, ai a lectura!, ese mundo onde todo é posible, ser policía e ladrón, labrego e mariñeiro...
A tristeza inundaba o ambiente. Unha partida de homes ía ao fronte de batalla a combater, pero ela parecía que nada lle afectaba, ata que unha bágoa cristalina saíu dos seus ollos e foi baixando pola súa meixela. Un home cunha mochila ao lombo e uniforme de militar ía cara a praza, onde os militares se mesturaban no ambiente coa xente que ía abrazar ao Santo. Cantos volverían? Non o sei, pero o que si sei é que eses homes, todos e cada un deles, loitaba polas súas familias e por Galicia.
A Berenguela da catedral resoou doce veces, ó tempo no que o botafumeiro despedía ese aroma característico, e os homes partiron, todos eles expresando con bágoas toda a dor que sentían.
Ao día seguinte todo transcorría normal, ata que me crucei con ela. Era imposible non mirala, e non o puiden evitar. Achegueime a falarlle, fomos a un café da rúa San Pedro e estivemos conversando. Non dixo nada do outro día e eu, por medo a entrometerme, non lle preguntei. Paseamos pola praza de Praterías, ela mirábame e eu respondía as súas miradas, en momentos así sobran as palabras. Colleume da man, entrelazou os seus dedos cos meus e fixo ademán de bicarme, pero os dous sabiamos que estaba mal, non podiamos nin sequera collernos da man, pero o noso amor levounos á equivocación.
Comecei o día pensando nela, fun buscala pero dixéronme que non podía vela, e tamén, que como se nos ocorrera ir da man en público o primeiro día que nos viamos, e aínda peor, sen nos casar. Ese día foi o máis mouro que pasara, fíxoseme eterno, pero cando xa estaba desesperado vina aparecer. Díxome que a perdoaran con tal de que non volvera a pasar.
Non saímos da miña casa, por medo a quedar mal e deshonrar as nosas familias. Tomamos uns cafés mentres planeabamos o noso futuro. Pode parecer cedo, pero nos tempos nos que estamos convén preparar as cousas con antelación para poder aforrar.
Unha semana despois chegoume unha carta, tiña que ir combater, non tiña suficiente cun home, que agora lle tiñan que mandar a guerra ao único amor da súa vida.
Díxenlle que volvería, non sabía dentro de canto, pero que volvería. Ela despediume da única forma que neses momentos se podía facer, chorando.
Día a día visitaba os lugares nos que estivo comigo, coa ilusión de volverme ver dentro duns meses.
Estaba eu no fronte cando me alcanzou unha bala, impactou no meu peito, sentín angustia, dor, e o último que fixen foi dicirlle a un compañeiro que comunicara na casa da muller que eu amaba as seguintes palabras: "Quérote e sempre te quererei".
A miña amada xa perdera esperanza algunha, non saía da casa, refuxiábase na lectura, o único ca podía illar desa angustia de non poder saber o que queres coñecer.
Día a día ía á praza para ver se viña o seu home, pero eso nunca chegou a pasar.
Unha fría mañá de xaneiro, no que o sombrizo día presaxiaba unha mala nova, viu unha cara coñecida entre os militares, era seu pai, quen xa volvera de combater. Traía con el unha carta, sería del?
O seu pai deulla, cunha cara non moi boa, abriuna e cada palabra que lía, era unha puñada no seu corazón. Dicía que Manuel Rodríguez Noira, morrera en combate.
Ao final da carta, escrita con moi mala caligrafía, estaba a mensaxe que Manuel antes de morrer lle enviara “sempre te quererei”.
Volveu saír esa bágoa, e volveu esvarar pola súa meixela

A viaxe

2010-06-21T09:30:00.007+02:00

Hoxe publicamos o relato de Sandra Carballido Regueiro, alumna de Bacharelato do noso centro, que recibiu o primeiro premio do Concurso de Relatos convocado polo ENDL do Instituto.
O relato titúlase A viaxe, e a ilustración que acompaña este post é, naturalmente, de Joan Miró.

Esta noite fora de tolos, case non dera durmido. A viaxe que ía emprender hoxe semellaba ser longa e pesada.
Custáralle moito decidir se ir ou non. Pero esa viaxe era importante: era, quizais, o seu futuro.
Levaba xa moitos anos incómodo coa súa vida, precisaba un cambio. E para lograr ese cambio tiña que irse dese lugar.
Pasara moitos traballos nestes últimos tempos: un divorcio que xa semellaba que se ía converter niso o mesmo día da súa voda; un traballo que non lle gustaba e polo cal recibía un soldo miserable a pesar do gran esforzo que facía; un pequeno apartamento no que case non se daba andado e do que agora estaban a punto de botar por non pagar o aluguer; o alzhéimer de seu pai, que ocupaba todo o tempo que lle quedaba libre despois de traballar... Eran moitas cousas xuntas.
Por iso precisaba un cambio.

Non lle levara moito tempo facer a maleta, pois non quería levar recordos, só quería deixar o seu pasado atrás, esquecelo. Por iso, decidiu non meter fotos na súa maleta. Decidiu non levar, nin sequera, roupa e zapatos. Xa atoparía no seu destino todo o que precisaba.
A viaxe, ademais, non lle custara moito, economicamente falando.
O que máis lle custaba, aínda que non quixese admitilo, eran as despedidas.
Despedirse de seu pai, enfermo, fora difícil. Pero sabía que a el non lle custara tanto, pois a enfermidade borraba os recordos recentes rapidamente e, ademais, seu pai nin sequera recordaba que ese estraño que se despedía era o seu fillo.
Así pois, o único que tiña que facer era deixar ó seu proxenitor en boas mans. Levouno xunto da súa irmá, pero estaba moi ocupada cos seus negocios como para ocuparse dun vello enfermo –esas foran, literalmente, as súas palabras-. Non tiña ninguén máis a quen acudir, así que o levou a unha residencia para anciáns, a pesar de non ter diñeiro para pagala. Pero os servizos sociais non podían deixar só a seu pai.
Entón, todo estaba solucionado.
Non quería despedirse dos veciños, pois nin sequera os consideraba veciños. Eran persoas que vivían ó lado da súa casa e que se dedicaban a falar sobre a súa vida dende que o vían saír polo portal ata que o volvían a ver saír ó día seguinte. Iso son veciños? El cría que non. Eu tamén penso que non.
E iso era todo, non tiña máis familia e nin sequera amigos, porque a súa apertada axenda non lle deixaba tempo para as relación sociais.

Así que, xa estaba. Decidiu dar unha volta pola rúa. Ver os rapaces que xogaban no parque, sentir o vento que o azoutaba na cara nas tardes de inverno, sentir o arrecendo a café que saía do bar da esquina. Porque, saír á rúa e ver o que os seus ollos querían ver era o que desexaba. Sen preocupacións, sen ataduras: libre.

Eses foron os últimos momentos antes da viaxe.
Na miña opinión, esa viaxe non era o mellor que el podía facer, era unha mala solución. Non, nin sequera estou seguro de que fora unha solución. Era fuxir. Era renderse.
Pero ninguén podía persuadilo, así pois, seguiu camiñando ata a ponte. Deu un paso adiante, dous pasos. E xa non había ponte, só abismo.

Premio

2010-06-10T00:08:00.003+02:00

Acaban de concedernos un novo premio, e iso é algo que nos enche de orgullo e satisfacción. Como non.
O blog que o concede explica que nos distingue "Porque a rapazada deste instituto amosa a quen queira velo que o Galego é un idioma vivo, vello pero novo, con historia e con futuro, para pensar, para falar e para vivir, “de letras” e “de ciencias”, para ser e para estar".
Cuns argumentos coma estes, a satisfacción e o orgullo son dobres.
Sinceramente, grazas.

Prazas maiores

2010-06-01T12:38:00.005+02:00

O Ministerio de Cultura comunícanos que se publicou no sitio Juegos Temáticos da súa páxina web un novo xogo adicado ás Prazas Maiores de diferentes cidades de España e América.

Se queres, podes acceder a través da páxina web http://www.blogger.com/mcu.es, ou directamente pulsando aquí.

Uxío e a lingua

2010-05-17T10:03:00.002+02:00

O compromiso de Novoneyra coa nosa lingua foi indiscutible; recordármolo nun día coma o de hoxe, inevitable.

Collido aquí

Novoneyra e a memoria histórica

2010-05-14T09:31:00.004+02:00

Esta é unha presentación sobre un paseo que sucedeu no Courel, feito poesía por Uxío Novoneyra. Chegounos vía Delio do CPI Luís Díaz Moreno de Baralla, que ademais explica o seguinte para comprendermos mellor o episodio e a profundidade do drama:

“Desde neno escoitei unha historia aterradora que, corenta anos despois, Uxío retoma para facer un romance: "Manoel de Ribadaira" e así recuperar a memoria histórica. Como en moitos lugares de Galicia, e non só de Galicia, no Courel tamén se practicaban "paseos" contra aquelas persoas que estaban baixo sospeita. Manoel Cela foi unha delas.
No noso "cole" fixemos un traballo sobre este poema. Dividímolo en secuencias e unha compañeira do equipo de biblioteca fixo as ilustracións. Con ese material fixemos unha exposición. Para compartilo con vós, elaboramos esta presentación"

manoel de ribadaira

View more presentations or Upload your own.

Mesturas: Letras Galegas 2010

2010-05-14T09:23:00.000+02:00

Mesturas é o blog da biblioteca do IES Sánchez Cantón de Pontevedra. Do seu alumnado de 1º de BAC son os fermosos traballos que enlazamos aquí.
Parabéns para eles e para os seus profesores.

Correlingua 2010

2010-05-13T13:43:00.000+02:00

Onte, día 12 de maio e mércores, os nosos alumnos de 1º ESO desprazáronse a Lugo para participaren unha vez máis no Correlingua, a tradicional carreira en defensa do noso idioma. A actividade estivo organizada polo Equipo de Normalización e Dinamización Lingüística do Centro, e os 45 rapaces e raparigas foron acompañados polos profesores Marta López e Manuel González.

Bolboretas nas meixelas

2010-05-08T13:42:00.004+02:00

O venres, 7 de maio, entre as 9:20 e as 10:10 h., os alumnos de 4º ESO e 1º de Bacharelato e os seus profesores asistiron na Aula de Audiovisuais á actividade "Bolboretas nas meixelas", un espectáculo de narración oral sobre contos, lendas e poemas universais con acompañamento de guitarra e violino. Esta actividade foi organizada polo Equipo de Normalización e Dinamización Lingüística co gallo da celebración do Día das Letras Galegas.

Animals teach us

2010-05-07T20:11:00.002+02:00

Navegando pola Rede atopamos esta campaña publicitaria titulada "Animals teach us how to be people" ("Os animais ensínannos a sermos persoas"). Subimos as fotos, traducimos o texto e non temos máis que dicir.
Pincha nas imaxes e pensa.

Un león nunca emprega a forza para humillar outro león

Cando dous clans de gorilas se atopa, evitan os enfrontamentos

Os elefantes nunca abandonan os vellos

Cando un golfiño atopa outro ferido axúdao a manterse a flote

A única diferenza entre panteras e leopardos é a cor

Os osos non discriminan as crías cando son femias

Comercio xusto

2010-05-06T09:52:00.004+02:00

Desde A Cova da Terra, organización solidaria non gobernamental, chéganos a seguinte invitación:

Ven celebrar con nós este día tan especial!!!

O sábado 8 de maio celebramos o día do COMERCIO XUSTO, un dos piares básicos da nosa asociación (A Cova da Terra) polo que queremos invitarte a que veñas celebralo con nós. Este día estaremos na Praza Maior en Lugo durante todo o día haberá postos de comercio xusto, música, exposicións, concurso de debuxos e obradoiros para nenos e nenas, animación na rúa, entre outras moitas actividades das que se vos ira informando. Ademais a cunha gran NOVIDADE: Este ano teremos para nenos e nenas de 6 a 10 anos unha GYMKANA!!! Animadevos a participar, o único que vos pedimos e que nos confirmedes (teléfono 982230211 ou a educación@covadaterra.org) a vosa asistencia para organizar os grupos!!!!
Tamén che propoñemos que traballes durante estas semanas o que é o comercio xusto e nos mandedes os vosos debuxos de comercio xusto para participar no Concurso de Debuxos, que logo serán expostos ese día na Praza Maior e publicados na nosa páxina web. Se queres máis información, ponte en contacto con nós: 982230211, a través do correo electrónico educación@covadaterra.org ou ven visitanos en Rúa Nóreas nº 12 Baixo.

Catapalabras

2010-05-05T10:01:00.000+02:00

Chéganos a noticia de que a Asociación Sociopedagóxica Galega (AS-PG) ampliou a oferta de xogos educativos na rede co Catapalabras, xogo no que poden participar de dous a catro xogadores e que consiste basicamente en escribir palabras que encaixen en certas categorías elixidas ao azar (froitas, animais etc.) e comecen por unha letra determinada polo azar
Hai que conseguir a puntuación máis elevada, o que dependerá da cantidade de palabras correctas escritas e do número de persoas que escriban a mesma palabra, xa que as repetidas non puntúan.
Este xogo vense sumar ao Trivial, ao Letrad@s e ao Xogo da Curuxa, todos eles cun alto índice de aceptación e participación, e pretende contribuír a galeguización dun espazo vital, o do lecer e o xogo, que na actualidade sofre unha importante carencia de posibilidades pensadas desde Galiza.
Se queres xogar, preme aquí

Máis información en Código Cero

Exposición do Día do Libro

2010-04-26T19:38:00.004+02:00

Para celebrar o Día do Libro, o equipo da Biblioteca tamén empapelou os corredores do Instituto con paneis e cartaces coas respostas que nos enviaron e puidemos reunir a aquela pregunta Para que les?

Día do Libro 2010

2010-04-24T21:23:00.012+02:00

Toda esta semana tivo lugar unha rolda de lecturas nas aulas da ESO, feitas por profesores voluntarios en horas de titoría. Como remate, o Día do Libro, que celebramos con lecturas públicas na biblioteca por parte de alumnos e un profesor.
Este ano apostamos pola sensibilidade, elixindo "A vendedora de mistos" de Hans Christian Andersen e "O príncipe Feliz" de Óscar Wilde, para 1º e 2º ciclo, respectivamente. Enriba destas liñas mostramos as imaxes, e embaixo a música que as acompañou.

"Carballeira" é unha peza tradicional coa que abrimos todas as sesións de lectura. Está interpretada pola agrupación "Leña verde" de Pol, que dirixe Óscar Trigo, profesor de Música no noso instituto hai uns anos. El é compositor, intérprete e arreglista desta versión.

Book?

2010-04-23T20:50:00.000+02:00

Por se non o tes claro, mira este vídeo e entéirate.

Día da Terra

2010-04-22T16:08:00.002+02:00

Como sabes, hoxe, 22 de Abril, é o Día da Terra. Os nenos e nenas de Infantil do Colexio Público "Ana Mª Diéguez" de Asados, en Rianxo, fixeron este vídeo para lembrar a todos a importancia que para a vida no noso planeta ten o ben máis prezado: a auga.

Tamén len...

2010-04-19T17:51:00.011+02:00

Enlazamos un documento elaborado pola compañeira de Malpica, Olga Rodríguez, no que se recollen as opinións de persoeiros coñecidos nos medios de comunicación en relación coa lectura, xunto coas súas recomendacións.
Estes carteis forman parte do traballo colaborativo levado a cabo por iniciativa da ONG Implicadas no Desenvolvemento e secundado por moitas bibliotecas escolares, entre elas, a nosa.
Estes e outros materiais interesantes estanse comezando a organizar para unha exposición no noso centro con motivo da Semana do Libro e da Poesía.
Esperamos contar coa vosa atención.

Lingua de amor 2010

2010-04-17T18:36:00.002+02:00

O Consello da Xuventude de Galicia (CXG), a través do seu Servizo de Normalización Lingüística, puxo en marcha a IV.ª edición de Lingua de amor, o concurso de cancións e declaracións de amor en galego a través da internet.
Lingua de amor ten como obxectivo principal estender o uso do galego como lingua habitual entre a xente moza nas súas comunicacións a través da rede.
Establécense dúas modalidades de participación: declaracións e cancións de amor. Os premios serán os seguintes:

Modalidade 1: declaracións de amor en galego a través da rede

Categoría A (de 14 a 19 anos):
1.º Un computador portátil Netbook.
2.º Unha consola Nintendo DSI XL.
3.º Unha cámara de fotos dixital.

Categoría B (de 20 a 35 anos):
1.º Un computador portátil Netbook.
2.º Unha cámara de vídeo dixital.
3.º Unha consola Nintendo DSI XL.

Modalidade 2: cancións de amor en lingua galega.
1.º Un computador portátil Netbook.
2.º Un iPod de 3.ª xeración.
3.º Unha consola Nintendo DSI XL.

Para participar no concurso só hai que rexistrarse na páxina www.linguadeamor.eu. O prazo permanecerá aberto ata o 28 de maio de 2010 e para as votacións será do 29 de maio ata o 6 de xuño de 2010.

Concurso de relatos curtos

2010-04-14T11:44:00.005+02:00

Como en anos anteriores, o Equipo de Normalización e Dinamización Lingüística do noso Centro convoca o Concurso de Relatos Curtos "Letras Galegas 2010", que se rexerá polas seguintes

BASES:

Poderá participar todo o alumnado do Centro.
Os relatos, de tema libre, presentaranse en lingua galega.
Extensión máxima: tres folios.
Deberán presentarse escritos a ordenador por unha soa cara e a dobre espazo.
Os relatos só se poden facer e enetregar de forma individual ao profesor correspondente de Lingua Galega.
Os relatos que resulten gañadores serán publicados no Blog da Biblioteca do Centro.
Haberá dous premios para cada categoría, por un lado 1º, 2º e 3º de ESO; por outro, 4º de ESO e 1º e 2º de Bacharelato.

1º PREMIO: Vale de 30'00 euros en material.

2º PREMIO: Vale de 15'00 euros en material.

Data límite de entrega: 10 de maio de 2010.
O xurado estará formado por membros do ENDL, e o seu fallo será inapelable.

Para que les?

2010-04-04T10:56:00.005+02:00

Recentemente, desde a nosa Biblioteca participamos nunha actividade organizada polo blog Implicadas; tratábase de escribir en poucos caracteres a resposta á pregunta Para que les?

Agora o blog publica as respostas que enviamos desde o noso centro xunto ás doutros lectores que libremente quixeron participar.

Se queres, entra neste enlace e le.

In memoriam

2010-03-12T11:40:00.003+01:00

Miguel Delibes

(1920-2010)

Día Internacional da Muller

2010-03-08T07:15:00.000+01:00

2010-03-07T12:20:00.002+01:00

Orgullos@s do noso, orgullos@s do galego

2010-02-22T20:50:00.002+01:00

Eis o vídeo da nova campaña da Coordinadora Galega de Equipos de Normalización e Dinamización Lingüística.
Non está mal, ironía incluída.

Ultimátum evolutivo

2010-02-15T10:05:00.001+01:00

Chéganos vía Cristina Novoa unha animación financiada pola Generalitat Valenciana na que un marciano nos invita a cambiar malos hábitos de vida que están degradando o medio no que vivimos e a nosa saúde. O asunto ben merece que lle botedes unha ollada.
Un motivo de reflexión ante a proximidade do 15 de febreiro, Día do Consumidor.

San Valentín 2010

2010-02-14T18:31:00.002+01:00

A tradicional celebración do San Valentín no noso Centro, que este ano tivo a particularidade de ser adiantada, ao caer en domingo e coincidir coas vacacións do Entroido, foi concorrida e chea de animación, como proban as fotos que forman o slide.

Presentación

2010-02-05T11:43:00.006+01:00

A plataforma a prol da defensa e promoción da lingua galega ProLingua presentará o venres 5 de febreiro a súa primeira publicación titulada 55 mentiras sobre a lingua galega, coordinada polo profesor da Universidade de Vigo Xosé-Henrique Costas.

Esta publicación pretende ser un argumentario sinxelo e clarificador, ao tempo que sólido e rigoroso, que axude a sociedade galega a comprender e superar aquelas valoracións e interpretacións subxectivas, ideoloxizadas desde unha óptica exclusivamente partidista, erróneas ou perversas que perseguen o obxectivo de actuaren de freo ao camiño da necesaria reposición e normalización de usos para a lingua galega no seo da súa sociedade.

Co gallo de ofrecer unha análise dos prexuízos máis comúns que difunden os negacionistas do idioma, sae publicado este esperado libro útil, unha obra rigorosa que, paseniño e cun ton distendido, avanza até desmontar por completo, unha por unha, as principais falacias que ao correr da historia se veñen vertendo sobre a lingua galega, facendo fincapé naquelas que, por diversas razóns que tamén o libro pon de relevo, a día de hoxe teñen un maior calado na sociedade.

Xa que logo, podemos falar desta publicación como dunha reacción organizada, limpa e contundente contra as difamacións daqueles que, por complexo, mesquindade ou ambas as dúas cousas, só buscan o esmorecemento da lingua propia de Galicia, o galego.

Nos próximos días ofreceremos neste blogue cumprida información da multipresentación que deste libro se fará simultaneamente en máis de medio cento de localidades espalladas polo noso país (todas as cidades e principais vilas), polo Estado español:Ponferrada, Madrid, Barcelona, Vitoria/Gasteiz e Trintxerpe; e no estranxeiro: Tübingen, Buenos Aires, Lisboa, Tel Aviv, Nova York, Bethelem, Nablús, París, Saraievo, Londres, Bruxelas e Copenhague. Unha relación de puntos de encontro e presentación longa e aberta, pois a recepción a esta iniciativa por parte da sociedade está a ser altamente positiva e comprometida.

NOTA: A presentación en Lugo será hoxe na Librería Trama, a cargo de Paco Martín e Antonio Reigosa; en Guitiriz, na Casa das Palabras, por Alfonso Blanco; e en Vilalba, no Salón de Actos da Casa da Cultura, participando Primitivo Iglesias, Luís Villares, Moncho Paz, Ricardo Polín e Antía Veres Gesto.

A listaxe completa de actos é como segue:
A Coruña, Sala de Prensa Fundación Caixa Galicia (Cantón Grande, entrada por Rúa da Estrela): Mercedes Queixas, Pancho Pillado, Martin Pawley e Alfredo Ferreiro. A Estrada, Agrupación Cultural KenKeirades: David Otero e Antía Otero. Allariz, Fundación Vicente Risco: Teresa Devesa e Antonio Blanco. Baio (Zas), Auditorio de Baio: Teresa Castro, Antonio Díaz Amor, Ricardo Vigueret. Baiona, Biblioteca Municipal: Concha Costas e Anxo Ratel. Barcelona, Centro Galego (Rambla Caputxins 35-37): Pere Comelles, Sabela Labraña, Xiana Díaz e Paulo Filgueiras. Bethelem (Palestina), Libraría Kalila w-Dimma: Moncho Iglesias Miguez e Samar Sabat. Bos Aires (Arxentina), Biblioteca Galega de Bos Aires, na Federación de Sociedades Galegas (rúa Chacabuco 955): Débora Campos, María Rosa Lojo, María Rosa Iglesias, Andrea Cobas Carral e Paco Lores, ás 19:00. Bruxelas (Bélxica), Livraria Orfeu: Ana Fontal, Xavier Queipo e Manuel González. Bueu, Museo Massó: Eva Rivas, Xabier Castro, Carme Novas Ferradás, Lucía Novas. Cacheiras-Teo, Mediateca do Grilo: Carme Hermida, Xosé Mª Lema Suárez e Rosa Moreiras Cuñarro. Caldas de Reis, Biblioteca Municipal: Ana Rial, Cesar Longa e Xosé Candal. Cambados, libraría Ramón Cabanillas (Rúa do Hospital, 40, baixo): Paco Fdez. Rei, Emilio Insua e Pilar Ponte. Cangas, Auditorio Municipal: Héitor Mera, Rita Paredes, Ana Ameal e Xosé Manuel González. Carballo, Pazo da Cultura: Xan Fernández Carrera, Silvana Castro e Farruco Fraga. Carnota, Confraría de Pescadores de Lira: Chisco Naval, Mercedes Díaz Maián e Belén Campos. Celanova, Aula de Cultura Caixa Galicia: Xoán Carlos Domínguez Alberte e Leopoldo Rodríguez Puga. Cerceda, Biblioteca Pública de Cerceda: Xosé Bocixa e Manuel Lourenzo. Chantada, Casa da Cultura: Manolo Figueiras e Xosé Miranda. Copenhague (Dinamarca), Libraría-Café Rayuela (Fælledvej 5): Alejandro Tobar e Iago Cordal, ás 18:00. Corcaigh/Cork (Irlanda), Book Library da University College Cork, ás 17.15 h: Carlos Seco, Ciaran Dawson e Xoán Sartal. Cotobade, Multiusos de Carballedo: Hadrián Faílde Perdiz, Antón Vidal Andión e Malores Villanueva. Cuntis, Casa da Cultura: Héitor Picallo Fuentes, Olimpo Arca, Maka Arca Camba, Silvia Fernández Piñeiro e Santiago Martínez López. Fene, Casa da Cultura: César Yáñez, Moncho Gándara, Quique Sanfiz. Ferrol, Ateneo Ferrolán: Xosé Manuel Pérez Sardiña, Xosé Lastra e Xosé Manuel López Leira. Gondomar, Aula de Cultura Ponte de Rosas (Avda. da Feira nº 10): Xilberte Manso, Gonzalo Navaza. Guitiriz, Casa das Palabras: Alfonso Blanco. Lalín, Museo Ramón María Aller: Rafa Cuíña, Alberto Granxa e Luz Méndez. Lisboa (Portugal), Casa do Brasil, 21.30 h: Antonio Mira e André Filipe Simões. Londres (Gran Bretaña), Instituto Cañada Blanch, 317 Portobello Road, 19.00 h: Inma Gil Rosendo e Eva Moreda. Lubián (Zamora), Salón de plenos do Concello de Lubián (Souto da Feira, 7): Felipe Lubián e Carme Pousa. Lugo, Librería Trama: Paco Martín e Antonio Reigosa. Madison (Wisconsin, EEUU), University of Wisconsin, Edif. Ingraham, Aula 133: David MacKenzie. Madrid, Ateneo de Madrid: Alejandro Hermida, Asunción Canal Covelo e Laura Montes García. Marín, Biblioteca Municipal: Ana Acuña, Carlos Solla e Lucía Outeiro. Melide, Centor Social Xosé Vázquez Pintor: Vanessa Martínez Iglesias, Xosé Vázquez Pintor, Xosé Luís Santiso e Valentina Formoso. Moaña, Centro Cultural Daniel Castelao: Asunción Soñora Abuín, Daniel Costas Currás, Benxamín Riobó Sanluís e Xabier Cordal. Monforte, Galería Sargadelos: Xosé Manuel Eyré e Suso Verao. Nablús (Palestina), Libraría Kubut: Fahed Salahat e Mohamed Salahat. Nigrán, Casa do Concello: Anxo Valverde, Xan Lois Cabreira e Emma Lázare Noia, Casa da Cultura Avilés de Taramancos: Lola Arxóns, Agustín Agra e Carlos Maquieira. Nova York (EEUU), New York City University: Alexandre Alonso Nogueira e Humberto Ramilo Costas. O Barco, Biblioteca Municipal: Manuel Agra, Luísa G. Macía e Xaquín Freixeiro. O Grove, Casa da Cultura "Lueiro Rei": Xesús Mª González Domínguez, Luís Rei, Rosario Pérez Magdalena e Patricia Arias Chachero. Ourense, Ateneo de Ourense: Serafín Alonso, Xosé Antón Laxe Martiñán e Xián Bobillo. Padrón, Casa do Patín: Anxo Angueira, Rita Bugallo e Xosé García Lapido. París (Francia), Instituto Cervantes (sala 1.3): Martinha Varela e Antón Figueroa. Pobra de Trives, Casa da Cultura: Mónica Baleirón e Mª Luísa Travieso. Ponferrada, Sala da Obra Social de Caja España en Ponferrada: Paco Velasco, Nuria Varela e Rafael Adán. Ponteareas, Biblioteca Municipal: Alberte Reboreda, Anxo Saborido e Xosé Manuel Moo. Pontedeume, Centro Municipal de Maiores: Xosé Francisco Correa Arias, Xoán Lorenzo Crespo. Pontevedra, Galería Sargadelos: Ana Outón, Ana Iglesias e Elvira Ribeiro. Ribadavia, Casa da Cultura: representantes da Plataforma Ribeiro pola Lingua. Ribadeo, Casa das Letras: Xavier Campos e Rocío Dourado. Ribeira, Ateneo Valle Inclán: Encarna Pego, Miguel Louzao, Pura Prado e Alexandre Cortés Ayaso. Salceda de Caselas, salón de actos do CEP Altamira: Suso Sánchez e Flori Veloso. San Martiño de Trebello (Val do Ellas, Extremadura), Casa do Concello: Domingos Frades Gaspar, Severino López Fernández e Máximo Gaspar. Santiago, Librería Couceiro: Xosé Luís Regueira, Antón Dobao e Mª do Carme Ríos Panisse. Saraievo (Bosnia), Kulturni Center Fuad Jahic: Jairo Dorado. Trintxerpe (Guipúzcoa), Tenencia de Alcaldía de Trintxerpe, concello de Pasaia: Xosé Estévez, Manolo Irixoa, Filipe Domínguez e Koldo Izagirre. Tübingen (Alemaña), Libraría Rosa Lux (Lange Gasse 27), 20.00: Aitor Rivas, Johannes Kabatek e Mariana Petitti. Tui, área Panorámica (antigo S. Paio): Helena Pousa e Alberto Valverde. Verín, Casa da Cultura: Xesús Lantes, Bieito Barreira e Zeltia Barreira. Viana do Bolo, IES Viana do Bolo: Carlos Ferreiro González e Patricia Fernández López. Vigo, Casa Galega da Cultura (Fundación Penzol): Xosé Henrique Costas, Manuel Bragado, Agustín Fernández Paz. Vilafranca do Bierzo, Casa da Cultura de Vilafranca: Marisa Cela e Antonio Nestral. Vilagarcía, auditorio municipal: Xan Guillén, Héitor Silveiro e Cruz López Martínez. Vilalba, Salón de Actos da Casa da Cultura: Primitivo Iglesias, Luis Villares, Moncho Paz, Ricardo Polín e Antía Veres Gesto. Vitoria/Gasteiz, salón de actos do Centro Galego de Vitoria: Xavier Iglesias, Itziar Ayestaran, Idoia Ezeiza e Débora Álvarez Moldes.

Xosé Miranda

2010-01-20T09:05:00.001+01:00

Na véspera do inicio das vacacións de Nadal o profesor e escritor Xosé Miranda pronunciou dúas conferencias na biblioteca do Instituto. A primeira delas, dirixida ao alumnado de 3º ESO, centrouse fundamentalmente en contos, mitos e lendas de Galicia e doutros lugares, incluso asiáticos.

A segunda, xa para o alumnado preuniversitario do Centro, partiu da obra de lectura da primeira avaliación, Morning Star. Todos os alumnos participantes foron deleitados pola excelente elocuencia do profesor lugués de Bioloxía.

Non ao Decretazo!

2010-01-19T07:23:00.001+01:00

A plataforma Queremos Galego convoca as comunidades educativas para un paro xeral no ensino o 21 de xaneiro, como contestación ao decretazo contra o galego.

A agresión é histórica, sen dúbidas a máis forte contra o idioma propio en toda a etapa democrática. Por iso é tan importante que nos impliquemos todas as persoas con sensibilidade pola nosa cultura, independentemente da lingua que falemos no día a día, para facermos do 21 de xaneiro unha data tamén histórica na contestación social.

Por que rexeitamos este decretazo?

1) Porque non garante que os estudantes finalicen cada etapa educativa coas destrezas lingüísticas tamén en galego.
Todos os informes oficiais sinalan que hai un problema para conseguir que boa parte dos rapaces e das rapazas, sobre todo nas zonas urbanas, teñan fluidez comunicativa en galego. Diminuír a presenza da nosa lingua non fará máis que agravar a situación, vulnerando o dereito do alumnado a unha educación de calidade e pondo en perigo a pervivencia da nosa cultura.

2) Porque é unha proposta feita de costas á sociedade galega.
O presidente da Xunta sabe que non conta con ningún consenso do profesorado, o estudantado, as familias e da sociedade en xeral para este decretazo. Por iso o presentou na véspera de fin de ano, a última hora do serán, e sen que existise ningún proceso previo de diálogo nin contraste.

3) Porque a aplicación deste decreto suporá enfrontamentos nos centros.
A Xunta fai deixadez das súas funcións e traslada o problema ao profesorado, ao estudantado e ás familias, que serán parcialmente consultadas (ben tendo en conta só o criterio da maioría, sen que se saiba que pasará coa minoría que se sinta perdedora; ben dando unha opinión cada catro anos, o que significa que uns pais darán a súa consideración sobre a educación das fillas e dos fillos doutros). A política lingüística e educativa non se pode limitar á opinión que poida ter a comunidade escolar, porque nos corresponde a todas as galegas e a todos os galegos. Hai que ter presentes criterios pedagóxicos e o dereito a unha educación en igualdade.

4) Porque a Xunta se burla da cidadanía cando di que se vai impartir un terzo das materias en inglés, cando sabe que iso é totalmente inviábel, e sen se preocupar do fracaso escolar.
O presidente da Xunta mente conscientemente cando fala de “plurilingüismo”, pois sabe que iso é imposíbel de aplicar. Só utiliza o inglés para camuflar propagandisticamente o ataque contra o galego. Na verdade, os departamento de inglés non teñen un reforzo real para mellorar a aprendizaxe desta lingua e mesmo se recortan os recursos para a formación do profesorado e se reduce o número de profesores/as das escolas oficiais de idiomas. O reforzo e mellora do ensino de inglés no sistema educativo galego debe facerse con máis profesorado específico, con máis recursos e con grupos máis reducidos.

5) Porque este decreto vulnera leis básicas aprobadas por consenso e tratados internacionais de dereitos lingüísticos.
O decreto que o Goberno galego quere impor unilateralmente vulnera a letra e o espírito da Lei de normalización lingüística (arts. 12 e 13), así como da Carta europea de linguas rexionais ou minoritarias (art. 8). Un goberno serio, cívico e responsábel cumpre as leis e os tratados internacionais de dereitos humanos e de dereitos lingüísticos.

6) Porque é unha agresión á dignidade da nosa cultura que haxa un goberno da Xunta que ande ás patadas coa lingua propia do noso país.
Temos que erguer a nosa voz con claridade e exclamar que, independentemente do idioma que falemos no noso día a día, os galegos e as galegas amamos a nosa lingua propia e queremos que non haxa políticas para discriminala, senón ao contrario: que se promova nos diferentes ámbitos, garantindo a igualdade de dereitos.

Fronte á imposición unilateral de Alberto Núñez Feijóo, as comunidades educativas e o conxunto da sociedade galega reclamamos que se escoite a nosa voz. O presidente da Xunta debería lembrar que o decreto aínda en vigor contou co respaldo dos sindicatos que representan ao 90% do profesorado, a inmensa maioría das ANPAs, todas as organizacións estudantís e todos os movementos de renovación pedagóxica con actuación en Galiza. O seu decreto contra o galego, ao contrario, non xera máis que rexeitamento e preocupación.

O 21 DE XANEIRO PARAMOS O ENSINO
EN DEFENSA DA CONVIVENCIA E DO GALEGO

MANIFESTACIÓN NACIONAL EN SANTIAGO DE COMPOSTELA
11.30 DA MAÑÁ NA ALAMEDA

Análise das Bases

2010-01-18T17:47:00.003+01:00

A Real Academia Galega publicou a súa Análise das Bases para o decreto do plurilingüismo no ensino non universitario de Galicia.
Interesante, rigorosa, contudente e, sobre todo nestas datas, imprescindible. Se queres consultala, podes entrar neste enlace.

Prema, pulse, push

2010-01-15T12:14:00.001+01:00

(Sería de risa se non fose algo tan serio)

De moscas e arañas siderais

2010-01-14T11:55:00.002+01:00

Nunca deixarán de sorprendernos os nomes con que os astrónomos designan algúns corpos celestes. Eis un exemplo, atopado na páxina divulgativa da NASA: esta brillante nebulosa da constelación do Auriga, a uns dez mil anos luz, é coñecida co suxestivo nome de A Araña e a Mosca.

Going West

2010-01-13T18:42:00.003+01:00

Non é un vídeo novo este que atopamos aquí, nin moito menos, pero si unha orixinal maneira de promocionar a lectura; ao parecer, para elaborar esta película Onde os libros toman vida non se empregaron ordenadores nin efectos virtuais. Sorprendidos?

Editorial sobre a lingua

2010-01-09T19:25:00.006+01:00

As vacacións de Nadal están a piques de rematar, o blog regresa, e a polémica sobre a situación do galego no ensino, lonxe de minguar reavívase semana a semana.

O diario El País publica hoxe un editorial titulado Lengua escolar a la carta. Tras agitar la lengua como arma electoral, Feijóo no contenta a nadie con su propuesta educativa, que comeza da seguinte forma:

"A campaña que devolveu o PP ao poder en Galicia hai nove meses tivo na política lingüística un dos seus estandartes. O agora presidente da Xunta, Alberto Núñez Feijóo, axitou a pantasma da discriminación do castelán baseándose nunha norma aprobada polo anterior Goberno de coalición de socialistas e nacionalistas que outorgaba ao idioma autóctono unha cota mínima do 50% en cada curso escolar (sen tope máximo) e unha posición preeminente entre as chamadas asignaturas troncais. Dese modo, o candidato rompeu coa política que o PP mantivera durante os mandatos de Fraga a prol da discriminación positiva do galego".

O texto conclúe afirmando que "a pretensión da Xunta de buscar un amplo consenso parece agora mesmo unha quimera, por moi desexable que resulte nunha comunidade que nunca sufrira conflitos lingüísticos até que o PP viu no idioma a ocasión para apañar un puñado de votos".

Para ler o texto completo, basta con entrares aquí.

A Natividade no Museo do Prado

2010-01-03T18:33:00.021+01:00

Para poñer imaxes e banda sonora a estes primeiros días do 2010 ( que sexa feliz para todos !), mostramos unha selección de cadros do Museo do Prado que teñen que ver co tempo no que estamos. De fondo unha fermosa peza do Nadal titulada "Oh holy Night" na voz da soprano británica Sarah Brightman.
A seguir disfrutando das vacacións !!!

Guía de lectura para o Nadal 2009

2009-12-18T11:12:00.014+01:00

Para viaxar tan lonxe como queiramos nestas longas e xeadas tardes, propoñémosvos a compaña dun libro, polo menos.

Na portada das nosas recomendacións de lectura está un home bonachón que habita nas devesas da montaña de Lugo. Noutros tempos, baixaba ás casas na Noitevella a apalparlles as barrigas ós nenos cando xa durmían. Despois de comprobar que estaban ben mantidos, deixáballes castañas quentes para o almorzo. Por este costume seu, chámanlle O Apalpador. Preme no seu nome se queres saber máis.
Se cadra, este ano déixase ver nas rúas, quen sabe... Ademais doutras cousas, trae unha mensaxe: a de regalar cousas feitas por un mesmo, ou mercadas no pequeno comercio.

A Biblioteca do IES Río Miño deséxalle a toda a nosa comunidade educativa, e a todo o mundo, moita FELICIDADE nestas Festas e un BO ANO 2010.

Copenhague'09

2009-12-09T19:59:00.004+01:00

E se eles tamén desistisen e se desen por vencidos?

2009-12-01T17:01:00.001+01:00

Contra a violencia de Xénero

2009-11-30T21:54:00.000+01:00

Para cerrar os actos deste ano contra a violencia de xénero colgamos aínda esta presentación d' O Segrel do Penedo

">

Conferencias e concertos

2009-11-29T19:35:00.000+01:00

Desde o Museo Provincial infórmannos dun ciclo de conferencias e concertos sobre Músicas galegas de actualidade, organizado pola AS-PG e a Vicepresidencia Primeira da Deputación de Lugo, que se celebrará desde o 30 de novembro e ata o 4 de decembro de 2009 entre as 19:30 e as 21:30 horas no Museo Provincial de Lugo.
Impartirán relatorios Rosa Mª Fernández, Luis Costa, Xan Fraga, Xurxo Souto e Carlos Villar.
Os concertos serán por conta de Cuarteto de Cordas Santart, Sólo Voces, Miro Casabella e The Homens.
Para máis información, podes consultar o programa aquí, ou contactar coa web do Museo.

2009-11-28T09:32:00.001+01:00

Que teñades unha boa fin de semana (con libros)

Non clausura

2009-11-27T19:50:00.005+01:00

Cando poidades, escoitade a Non clausura que fixo o ministro de Educación, Ángel Gabilondo, do congreso Leer.es

Pareceunos fermosa e diferente. Ao mellor este ministro cambia algunha cousa se lle deixan.

Mirade aquí.

Onde está...?

2009-11-27T00:15:00.005+01:00

Mira con atención a imaxe; nela atoparás máis de cen figuras de personalidades históricas, de todos os tempos e dos catro puntos cardinais, perfectamente recoñecibles. Se dás descuberto... digamos 25... poderás considerar que a túa cultura, aínda que mellorable, tampouco está tan mal.
Proba e sorte!
(Naturalmente, se fas clic sobre a imaxe poderás ampliala)

Ningunha muller vale menos ca min!

2009-11-25T09:17:00.001+01:00

E así o dicimos: alto, claro, forte e en diferentes linguas, para entendelo tod@s

Contra a violencia de xénero

2009-11-24T20:31:00.005+01:00

A Biblioteca amiga do IES Sánchez Cantón de Pontevedra realizou unha preciosa presentación a partir de obras de diferentes autores extraídos de culturas diversas, como un achegamento ao diálogo para evitar a violencia.

Fai clic para ampliar, e mira.

Nós estamos contra a violencia machista!

2009-11-23T16:14:00.002+01:00

A lingua inútil

2009-11-19T20:10:00.001+01:00

Recollemos para colgar no noso blog o seguinte artigo de opinión de Manuel Rivas, publicado na prensa de hoxe como resposta á abraiante resolución en que un eminente xuíz da Comunidade de Madrid alega a inutilidade da nosa lingua para impedir a escolarización dunhas nenas en Vigo tras se divorciaren seus pais.

O artigo leva por título "A lingua inútil", e foi publicado en castelán por tratarse dun xornal de ámbito estatal, idioma que nós mantemos (e que nunca consideramos inútil).

Se equivoca usted, señor titular del juzgado número 6 de Alcorcón, al proclamar la carencia de "utilidad pública" del idioma gallego. En una caricatura de Castelao, un campesino dice: "Deus nos libre da Xustiza!". Quizás estaba pensando en usted, señor juez. Fíjese que útiles y previsoras son las lenguas "subalternas".

Fíjese si son previsoras que en los cuentos gallegos de Álvaro Cunqueiro hay personajes que como último deseo piden que en el ataúd, además de la Biblia, le metan el Código Civil por si tienen que pleitear en la otra vida. A la vista de como reculan los tiempos, me adelanto a pedir para el postrer viaje un ejemplar de la Declaración Universal de los Derechos Humanos, además de la Constitución española (subrayado el artículo 3º, apartado 2) por si el barquero Caronte se pone pesado, dispensando, y me niega la "utilidad pública del gallego" en el Más Allá, siguiendo la doctrina de su señoría.

Ya que estamos con la verdad narrativa de los cuentos y las últimas voluntades, permítame una breve historia. Un anciano campesino manda llamar al notario para hacer el testamento definitivo. Dice: "De la tierra, dejo un tercio para Ramón, un tercio para María, un tercio para Concha, un tercio para Manuel, otro tercio para Andrés..." El notario le interrumpe: "Pero, ¿no serán muchos tercios?" Y el campesino responde: "¡No sabe usted lo grande que es la tierra!" Pues con las lenguas ocurre algo parecido. Que hay sitio para todas. Que no pesan en la cabeza. Que no hay lengua inútil.

Inútiles, inútiles no le somos, señor juez. Hay muchas personas que nos comunicamos normalmente en gallego y no nos consideramos del todo inútiles. Como ocurre incluso en la judicatura, unos somos menos útiles que otros, hacemos lo que podemos, pero respetamos. Eso si, tenemos una educación mínima del respeto. Nuestros padres nos acunaron, nos criaron y nos contaron cuentos en gallego para espantar el miedo. Y no eran unos inútiles, créame. Gracias a ellos, no le tengo miedo, señor juez.

En su Tesis sobre el concepto de la Historia, dice Walter Benjamin: "No hay ningún documento de la civilización que no sea al mismo tiempo un documento de barbarie". Yo antes no entendía muy bien esta frase, se lo juro, pero se me han aclarado de repente las ideas, como por un rayo, después de leer su fundamento "lingüístico" para negar el traslado escolar a Vigo de unas niñas en el auto tramitado en un caso de divorcio. En ese aspecto, el documento no resiste el principio de realidad. En Galicia, las niñas no sólo aprenderían gallego, sino que podrían enriquecer su castellano con las "maravillosas curvas" que Unamuno admiraba en Valle-Inclán.

No voy a hablarle ahora de Alfonso X el Sabio, ni de Rosalía de Castro, ni del tronco común galaico-portugués, patrimonio lingüístico que nos permite comunicarnos con millones de personas en el mundo, desde Brasil al Timor Oriental. Como además tenemos la suerte de compartir el castellano, vea usted, señor juez, que no vamos tan mal pertrechados, siempre, claro, que a los niños no les amputen la lengua "inútil". Creo que lo que procede en este momento es ir al argumento protoecológico enunciado por Julio Camba. Según demostró en un irónico artículo, el gallego es un idioma muy apto para hablar no sólo entre las personas sino también con todo tipo de animales. ¡Fíjese usted si será útil!

Antes de colgar a túa imaxe... pénsao

2009-11-17T21:04:00.005+01:00

Nada que dicir contra as novas aplicacións da tecnoloxía, contra os usos da internet ou contra as redes sociais, sempre e cando se empreguen con responsabilidade e intelixencia.

Desde este blog e desde a Biblioteca temos advertido en máis dunha ocasión dos riscos que conleva colgar na Rede datos persoais e fotografías (propias ou alleas) por parte dos internautas.

Mira este vídeo da Oficina do Defensor do Menor da Comunidade de Madrid, a ver que che parece.

Xornadas PROA

2009-11-15T11:33:00.004+01:00

Fomos invitados a participar na Xornada do Programa PROA que se celebrou onte no CFP Monte do Conxo de Santiago; alí puidemos expor a experiencia da Hora de Ler e algunhas liñas do funcionamento da nosa Biblioteca.

O noso relatorio, titulado "Os recursos da Biblioteca do centro e a competencia lingüística", foi acollido con simpatía e interés por parte dos case douscentos asistentes.

Vaia para todos eles e a organización o noso agradecemento.

Información ás familias sobre o Proxecto Lector

2009-11-14T22:17:00.002+01:00

Estamos poñendo en marcha o noso Proxecto Lector. Este é o boletín informativo sobre o mesmo que enviamos ás familias.

2009-11-12T20:01:00.000+01:00

Celanova: Non ao desaloxo!

2009-11-12T19:21:00.005+01:00

Ao parecer, xa hai quen volve cismar con construír paradores e conseguir comisións.
Esta vez tócalle a Celanova, cun teimudo alcalde que anda á procura de que lle constrúan un novo instituto para poder desaloxar o que agora está instalado no vello Mosteiro de San Salvador, coartada perfecta para alí levantar un parador para disfrute duns poucos.
Pois ben, existe unha plataforma en defensa do uso público do Mosteiro de Celanova que está disposta a dicir NON a este parador e a este despilfarro. Só tes que entrar e asinar aquí.
Eu xa asinei... e ti?

Gervasio Sánchez, un compromiso

2009-11-06T20:04:00.011+01:00

Coñecemos hoxe que o xornalista e fotógrafo Gervasio Sánchez (Córdoba, 1959) foi galardoado co Premio Nacional de Fotografía, dotado con 30.000 euros, e o xuri destaca "o seu compromiso continuado coa fotografía como ferramenta de denuncia da violencia nos conflitos armados, polo seu continuado labor a prol da xustiza e especialmente polo seu traballo sobre os nenos soldado e as minas anti-persoa", que o propio fotógrafo caracterizou de asasinos ocultos.
Asimesmo valorouse "como a través da fotografía de prensa se dignifica as vítimas fotografadas, cunha ollada particular que enaltece los mellores valores do fotoxornalismo".
"Para min o xornalismo é compromiso", asegura Gervasio Sánchez, que cubriu os principais conflitos armados do mundo, como a guerra do Golfo, os da antiga Iugoslavia, África, Asia y América Latina. Desde 1995, realiza o seu proxecto fotográfico 'Vidas Minadas' sobre o impacto das minas antipersoa nas poboacións dos países máis minados do planeta: Afganistán, Angola e Cambodia, que callou en 1997 cun libro e unha exposición.
Na nosa Biblioteca fixemos unha recompilación dalgunhas das súas fotos máis impactantes; que sirva de homenaxe a un fotógrafo que engrandece o seu oficio, e de medio de concienciación e reflexión para todos.

Biblioteca Dixital Mundial

2009-11-03T18:48:00.005+01:00

Chéganos o aviso do lanzamento na Rede da WDL, a Biblioteca Dixital Mundial.
A Biblioteca, impulsada pola UNESCO e outras trinta e dúas institucións, reúne textos, fotos, gravacións e películas de todos os tiempos, e contén información en sete idiomas sobre os tesouros e reliquias culturais de todas as bibliotecas do planeta.
A BDM no ofrecerá documentos correntes, senón "cun valor de patrimonio, que permitirán apreciar e coñecer mellor as culturas do mundo en idiomas diferentes: árabe, chinés, inglés, francés, ruso, español e portugués. Pero hai tamén documentos en liña en máis de cincuenta idiomas".
Entre os documentos máis antigos hai códices precolombinos cedidos por México; os primeiros mapas de América, debuxados por Diego Gutiérrez para El-rei de España en 1562; o Hyakumanto darani, documento xaponés de 764, considerado o primeiro texto impreso da historia; un relato dos aztecas que constitúe a primeira mención do Neno Xesús no Novo Mundo; traballos de científicos árabes sobre a álxebra; ósos utilizados como oráculos e estelas chinesas; a Biblia de Gutenberg; antigas fotos latinoamericanas da Biblioteca Nacional do Brasil; e a célebre Biblia do Diabo, do século XIII, conservada na Biblioteca Nacional de Suecia; a Declaración de Independencia americana e as constitucións de numerosos países; a guía de Magalhães cando deu a volta ao mundo e até o orixinal das fábulas de La Fontaine.
De fácil navegación, ao pé de cada entrada atopamos unha breve explicación do seu contido e significado; o acceso é de balde e os usuarios poden entrar e navegar sen necesidade de se rexistraren previamente.

Basta con entrar aquí.

Proxecto Lector de Centro

2009-10-28T22:22:00.004+01:00

Por fin, rematamos o noso Proxecto Lector de Centro. Nel basearanse os Plans Anuais de Lectura dos próximos cursos.

Se todo sae ben, conseguiremos do noso alumnado que sexan lectores/as competentes

Que é un lector/a competente?
- Unha persoa que comprende o que le, que sabe facer xuizos críticos sobre as súas lecturas e que sabe buscar información eficazmente en fontes fiables de todo tipo.

Participamos nas Xornadas

2009-10-27T19:41:00.013+01:00

Como en anos anteriores, tamén este a Biblioteca do IES de Rábade asistiu ás Xornadas das Bibliotecas Escolares que se celebraron en Santiago a fin de semana pasada.
Pero nesta ocasión dunha maneira moi especial, e é que a organización invitou a Lupe Enríquez, a coordinadora da nosa Biblioteca, a participar nunha mesa redonda con outras compañeiras responsables de bibliotecas escolares para contar a nosa experiencia na "Hora de Ler", que por segundo ano consecutivo funciona no noso Centro.
Para deixar constancia, e para que as difrutedes, a seguir ofrecémosvos algunhas fotos.

Música na rúa

2009-10-25T12:33:00.004+01:00

En calquera momento, en calquera lugar, calquera cousa pode servir como instrumento e un transeúnte calquera como intérprete. A música sempre é un agasallo para os ouvidos (e para a vista).
Eis a demostración do que afirmamos.

2009-10-24T12:06:00.002+02:00

24 de Outubro: Día Internacional das Bibliotecas

[Imaxe: Tatsuro Kiuchi]

Astérix e Obélix, medio século entre nós

2009-10-23T00:05:00.003+02:00

Poderemos ler unha das nosas frases favoritas, por primeira vez ao mesmo tempo, nas catro linguas de España:

Están tolos estes romanos!

Burutik daude erromatar hauek!

¡Están locos estos romanos!

Són bojos, aquests romans!

...e é que vén de publicarse o último álbum de Astérix e Obélix (o 34 ou Libro de Ouro de Astérix e Obélix) que moi pronto teremos xunto aos outros da colección na Nosa Biblioteca.

Entrevista? Non, grazas

2009-10-22T10:10:00.009+02:00

Queridos nenos e nenas:
O vídeo que veredes a seguir debería ser unha entrevista televisiva que un xornalista experimentado realiza a alguén que é noticia (en concreto o profesor Carlos Callón, presidente da Mesa pola Normalización Lingüística); sen embargo, e como podedes comprobar, o xornalista deixa de lado a súa obxectividade para discutir (cando non reprender ou abroncar) as opinións do seu invitado nunha televisión pública.
Colgamos este vídeo lamentable no noso blog para que todos aprendamos que cousas non se deben facer nunha entrevista, como non se debe tratar un entrevistado, que tipo de comportamentos e actitudes non son corteses nin educadas entre persoas, até que punto a grosería e a intolerancia nos repugnan.

Carlos Callón ''entrevistado'' por Carlos Luís Rodríguez
por nagalizaemgalego

Comedia bífida II

2009-10-21T19:57:00.001+02:00

A seguir, algunhas fotos da representación (certamente de non moi boa calidade) que nos fixeron chegar os espectadores:

Comedia bífida

2009-10-21T16:04:00.002+02:00

O martes ás 12 da mañá, os alumnos e alumnas de 1º e 2º de Bacharelato do noso centro acudiron ao Auditorio de Vilalba para asistir á representación da obra Comedia bífida, de Manuel Nuñez Singala, obra que expón a actitude dos galegos en relación coa súa propia lingua mediante a alegoría do Xuízo Final: San Pedro xulga os defuntos galegos conforme a lingua que usaron en vida, deixando ao descuberto as posturas diglósicas.
A actividade estivo organizada polo Departamento de Lingua e Literatura Galegas e o Equipo de Normalización e Dinamización Lingüística do Instituto, en colaboración coa Editorial Galaxia.

Unha novela de Herta Müller

2009-10-20T20:33:00.004+02:00

Para sorpresa de case todos (como adoito sucede coa concesión dos Premios Nobel), este ano a galardoada no de Literatura foi a escritora romeno-alemá Herta Müller, nacida en 1953.

Na Nosa Biblioteca temos unha das súas obras máis coñecidas, O home é un faisán no mundo, título que, segundo lemos na contraportada, fai referencia a un refrán romeno que traslada a imaxe da torpeza do faisán, impedido de voar verdadeiramente, á torpeza e desgracia do home.

Unha familia da Romanía do ditador Ceaucescu que desexa recuperar as súas orixes emigrando a Alemaña vive na incertidume de se algún día dará conseguido o pasaporte que lles permita, e acaba comprendendo que a única saída vai ser a fuxida.

A novela organízase en cadros breves que constitúen o mosaico da vida, abafante e dura, nunha aldea romena.

2009-10-18T00:37:00.000+02:00

A noite sobre Rapa-Nui

2009-10-14T12:12:00.000+02:00

Había tempo que non colgabamos no blogue da Nosa Biblioteca unha fotografía do espazo.

Esta á que vos asomamos representa o ceo nocturno sobre a illa de Páscoa; máis perto, o contorno dun moai, unha desas misteriosas estatuas erguidas hai cinco séculos como testemuño dunha misteriosa civilización desaparecida; ao lonxe, a Gran Nube de Magalhães, en que refulxen Canopo e Sirio.

A imaxinación, fóra da UCI

2009-10-13T13:06:00.001+02:00

Hai tempo que sabiamos da existencia destas fotos sorprendentes. Forman parte dunha campaña de lectura para mozos e mozas da Literacy Foundation, unha institución do Quebec para a alfabetización e o fomento da lectura.

Os cartaces son directos e conteñen un pé de foto rotundo: Cando un neno non le, a imaxinación desaparece.

Don de linguas

2009-10-12T21:05:00.000+02:00

O pasado 5 de outubro, Henrique Alvarellos publicou no Xornal de Galicia o seguinte artigo, titulado "Don de linguas", sobre o ficticio, espúreo e interesado problema da lingua galega, e sobre aqueles que se autoproclaman bilingües e perseguidos por unha máis que paciente e tolerante comunidade galego-falante.
Implicados como estamos na defensa da nosa lingua, consideramos de máximo interese seguir facéndovos chegar documentos coma este.

É sabido que en Galicia hai un colectivo que domina máis dunha lingua, esa é a masa (ás veces tan “silandeira”) de galegofalantes. Non existe galegofalante que non saiba, polo menos, outra lingua, e os máis capaces aínda lle dan a unha terceira ou cuarta. O único colectivo “mono” en termos lingüísticos é o castelán-militante. Precisamente é ese colectivo o que sempre se anda a proclamar bilingüe. Oh, paradoxo!.

Algúns dos bilingües e/ou multilingües de verdade, non de mentira, reuníronse o sábado pasado no salón de actos da Facultade de Filoloxía, en Santiago de Compostela, para constituír a plataforma Prolingua. Alí estabamos algo máis de 300 persoas. Prolingua nosa e, tras ela, “pro” todas as linguas. Porque, insisto, non hai bilingüe ou multilingüe real que non sexa, en Galicia, galegofalante. E un pregúntase: É que somos nós os únicos con don de linguas? Que lles pasa aos que rexeitan unha ou máis linguas? Son incapaces? Os monolingües castelán-militantes din que os seus fillos non entenden Matemáticas en galego. Que cousa máis rara! Son nenos menos espabilados?. Pensamos que non. Son seus pais os limitados?

Prolingua conta xa con máis de mil inscritos. Mil asinantes que van do propio ao universal sen rexeitar nada. Que queren “ser” no mundo desde Galicia e en galego. E aos que lles doen moito –como a calquera persoa de ben– as mentiras. O escritor Xabier Docampo, principal impulsor e animador de Prolingua, dixo na presentación da plataforma que “nós non contamos mentiras”. Algo tan sinxelo coma isto para defender o dereito a vivir en galego: dicir a verdade. Que a gusto se vai pola vida cando un non constrúe falsedades. E que “bipolar”, que raro, se debe de sentir un deses falsos bilingües, que perdido e limitado ao se mirar no espello a soas sen máscaras.

Tamén había xente do PPdeG o sábado. en Filoloxía. Rafael Cuíña (si, fillo do falecido Xosé Cuíña), cualificou de “obscena” a actitude esa dos monolingües que andan todo o día a falar de bilingüismos. Porque a defensa da lingua non sabe (non pode saber) de partidos mais si de políticas. De políticas honestas coa nosa historia e co noso futuro.